Աղբիւր՝ www.armenpress.am

Հալէպի հայկական դպրոցները պատրաստւում են նոր ուսումնական տարւան, որը կը մերկնարկի սեպտեմբերի 16-ին: Այս մասին «Արմէնպրես»-ը տեղեկացաւ Հալէպի լրատւական գրասենեակից: Այն դպրոցները, որոնք նիւթական վնասներ են կրել ռմբակոծութիւնների հետեւանքով, ուսումնական տարի կսկսեն մէկ այլ շինութիւնում: Ազգային 5 վարժարանները, այդ թւում` մէկ ճեմարան եւ 4 նախակրթարան, կը տեղաւորւեն մէկ կառոյցում: Միութիւները եւ ազգային մարմինները շարունակում են իրենց սովորական աշխատանքները:

Աղբիւրից նաեւ տեղեկացանք, որ Հալէպում բախումները շարունակւում են, սակայն հրթռիները համեմատաբար աւելի քիչ են: Ինչ վերաբերում է ջրամատակարարման հետ կապւած լարւածութեանը, թէեւ հարցն ամբողջովին չի լուծւել, այնուամենայնիւ, բաւական բարելաււել է:

Միւս կողմից` Հալէպի պատւիրակութիւնը պատրատսւում է ժամանել Երեւան՝ մասնակցելու Հայրենիք-Սփիւռք 5-րդ համաժողովին:

Հայկական Նոր գիւղ թաղամասում ընկած հրթիռները, մարդկային վնասներից բացի, նիւթական սարսափելի վնասներ են պատճառել: Նոր գիւղում մեծաթիւ բնակարաններ բոլորովին անբնակելի են դարձել, իսկ հարիւրաւոր բնակարաններ նորոգւելու կարիք ունեն: Երբեմնի հայաշատ Նոր գիւղ թաղամասն այսօր աղէտի շրջան է, ամայացած ու աւերակ:  Կոչ է ուղղւել համայն հայութեանը՝ բոլոր միջոցներով սատար կանգնելու ի նպաստ անմարդկային հրթիռաձգութեան կասեցման՝ յանուն աղէտահար ժողովրդի ֆիզիքական անվտանգութեան ապահովման: