Աղբիւր՝ www.yerkirmedia.am

Ամերիկեան Կոլորադոյ նահանգում 2019 թւականի ապրիլը «Ցեղասպանութեան իրազեկման ամիս» է յայտարարւել` յիշատակելով հայերի, հրեաների եւ այլ ազգերի ցեղասպանութիւնները:

Հայ Դատի Ամերիկայի յանձնախմբի փոխանցմամբ, համապատասխան հռչակագիրն ընդունել է Կոլորադոյի նահանգապետ Ջարեդ Փոլիսը: Փաստաթղթում նշւում է ցեղասպանութեան մասին իրազեկման կարեւորութիւնը, նաեւ այն, որ յանցագործները շարունակում են ժխտել իրենց կատարած յանցանքները մարդկութեան հանդէպ: