Աղբիւր՝ www.yerkir.am

Իսպանիայի Թագաւորութեան Կատալոնիա տարածաշրջանի  Սաբադել քաղաքը  յունւարի 23-ին պաշտօնապէս ճանաչել եւ դատապարտել է Հայոց ցեղասպանութիւնը:

Ինչպէս տեղեկանում ենք Իսպանիայում Հայաստանի դեսպանութեան ֆէյսբուքեան էջից. Սաբադելի քաղաքապետարանում ներկայացւած բոլոր քաղաքական ուժերի ղեկավարները ստորագրել են համատեղ յայտարարաթիւն, համաձայն որի, տեղի ունեցածը բնորոշւում է որպէս ցեղասպանութիւն եւ յանցագործութիւն մարդկութեան դէմ:

Յայտարարութեան մէջ մասնաւորապէս ասւում է. «Մարդկութեան դէմ գործած ցանկացած յանցանք պէտք է դատապարտւի, որպէսզի նման բաներ չկրկնւեն աշխարհի ոչ մի անկիւնում, որեւէ ազգի, ռասայի կամ դաւանանքի ներկայացուցիչների հետ: Սաբադելի քաղաքային իշխանութիւնները պաշտօնապէս ճանաչում են Հայոց ցեղասպանութիւնը»: