Աղբիւր՝ www.asbarez.com

Ադրբեջանի Արտաքին գործոց նախարար Էլմար Մամետեարով տարեկան հաշուետու մամլոյ ասուլիսի ընթացքում, ի թիւս այլ խնդիրների, անդրադարձել է նաեւ ղարաբաղեան հիմնախնդրին, Հայոց ցեղասպանութեան 100-ամեակին եւ թուրք-ադրբեջանական համագործակցութեան վերաբերող հարցերի:

Ըստ «Արմանիհաբեր» կայքի, Մամետեարովը նշել է, որ Բաքուի օրակարգի վրայ չկայ Եւրասիական տնտեսական միութեան անդամակցելու հարցը: Նախարարն ակնկալում է, որ Հայաստանի նկատմամբ պատժամիջոցներ կիրառուեն, իսկ Ա.Մ.Ն.-ն եւս իր ջանքերը ներդնելու է Ղարաբաղի հարցին՝ Ադրբեջանի տարածքային ամբողջականութեան ծիրում լուծելու համար այն: Լրագրողներից մէկի այն հարցումին, թէ արդեօք Ադրբեջանին առաջարկուե՞լ է մաս կազմել Եւրասիական տնտեսական միութեան՝ Մամետեարով պատասխանած է, թէ Ղարաբաղի հարցը իրենց համար երբե՛ք սակարկութեան առարկայ չի կարող լինել: Իսկ Թուրքիայի հետ գործակցութեան մասին նախարարը հաւաստիացրել է, որ Ադրբեջանը շարունակելու է պայքարել Ցեղասպանութեան ճանաչման եւ դատապարտման ուղղուած հայոց գործողութիւններուն դէմ:

«Ադրբեջանի եւ Թուրքիայի Արտաքին գործոց նախարարութիւնները եւ դիւանագիտական համապատասխան ներկայացուցչութիւնները համատեղ աշխատանք են տաում հայերի սուտերը մերկացնելու եւ իրական փաստարկուած պատմութիւնը վեր առնելու համար», ասե է Մամետեարով:

Մամետեարով յիշեցրել է, որ վերոնշեալ խնդիրը կարեւորել էին Թուրքիայի եւ Ադրբեջանի նախագահները սեպտեմբերին, Բաքուում տուած իրենց համատեղ ասուլիսին ժամանակ: