Աղբիւր՝ www.asbarez.com

ՈՒԱՇԻՆԿԹԸՆ, «Հետք».- «Ամերիկայի Ձայն» կայանը ներկայացուցած է ԵԱՀԿ Մինսկի խումբի ամերիկացի համանախագահ Ռիչըրտ Հոկլընտի կողմէ հրապարակուած՝ Արցախեան հակամարտութեան կարգաւորման հիմնական կէտերը:

Ստորեւ կը ներկայացնենք սոյն կէտերը.

«Հաշուի առնելով Լեռնային Ղարաբաղի բարդ պատմութիւնը՝ կողմերը պէտք է սահմանեն դրա վերջնական իրաւական կարգավիճակը ապագայում՝ փոխադարձ համաձայնութեամբ եւ իրաւական պարտաւորեցնող կամարտայայտմամբ:

Նախկին Լեռնային Ղարաբաղի ինքնավար մարզի սահմանների մէջ գտնուող տարածքին, որը Բաքուի կողմից չի վերահսկւում, պէտք է ժամանակաւոր կարգավիճակ տրուի, որն առնուազն ապահովում է անվտանգութեան եւ ինքնավարութեան երաշխիքներ:

Լեռնային Ղարաբաղի շուրջ գրաւուած տարածքները պէտք է յանձնուին Ադրբեջանի վերահսկողութեանը: Այնտեղ չի կարող լինել որեւէ բնակեցում՝ առանց հաշուի առնելու Ադրբեջանի ինքնիշխանութիւնը: Այդ տարածքների նկատմամբ Ադրբեջանի ինքնիշխանութիւնը պէտք է վերականգնուի:

Պէտք է լինի միջանցք, որը կը միացնի Հայաստանը Լեռնային Ղարաբաղի հետ: Այն պէտք է լինի բաւականաչափ լայն՝ անվտանգ փոխադրումների ապահովման համար: Սակայն, այն չի կարող ներառել Լաչինի ամբո՛ղջ շրջանը:

Յարատեւ կարգաւորումը պէտք է ճանաչի բոլոր տեղահանուած անձանց եւ փախստականների իրաւունքը՝ վերադառնալ բնակութեան նախկին վայր:

Կարգաւորումը պէտք է իր մէջ ներառի անվտանգութեան միջազգային երաշխիքներ, որոնք կը ներառեն խաղաղարար միջոցառումներ: Գոյութիւն չունի սցենար, որում խաղաղութիւնը կարող է ապահովուած լինել՝ առանց լաւ նախապատրաստուած խաղաղ գործողութիւնների, որոնք վայելում են բոլոր կողմերի վստահութիւնը»: