Աղբիւր՝ www.asbarez.com
ԵՐԵՒԱՆ. – Հայաստան Համահայկական հիմնադրամի հոգաբարձուներու մարմինը անցեալ Շաբաթ, Մայիս 27ին գումարեց իր տարեկան նիստը, որուն ընթացքին որոշուեցան այս տարուան հեռատեսիլային հանգանակային արշաւի հիմնական նպատակները:
Հիմնադրամի գործադիր տնօրէն Արա Վարդանեան լրագրողներու հետ հանդիպման ընթացքին նշեց, որ հոգաբարձուներու խորհուրդի 26րդ նիստի ընթացքին քննարկուած են այս տարուան դրամահաւաքի թեմաները, որոնք առաջարկուած էին Արցախի Հանրապետութեան նախագահ Բակօ Սահակեանի կողմէ:
«Թեմաները երկուսն են: Առաջինը խորքային հորերի ջրերի ծրագիրն է, որի շնորհիւ յոյս ունենք, որ Արցախում այս պահին չոռոգուող տարածքներում կը սկսուի ոռոգման գործընթացը: Այն շատ մեծ ազդեցութիւն կ՛ունենայ գիւղատնտեսութեան զարգացման վրայ: Իւրաքանչիւր խորքային հորի հորատման համար պահանջւում է 50 հազար ԱՄՆ դոլար: Այս պահին կայ 180-200 այդպիսի հոր: Չեմ կարող ասել, թէ առաջին դրամահաւաքի արդիւնքում կը կարողանանք ամբողջութեամբ իրականացնել, բայց միանշանակ կ՛ընդգծեմ, որ ծրագիրն ընդունուել է ոչ միայն մէկ տարուայ համար: Այն կը շարունակենք՝ փնտռելով բարերարների», ըսաւ Արա Վարդանեան:
Երկրորդը՝ արեւային ուժանիւթի օգտագործման ծրագիրն է: Հիմնադրամը նման ծրագիր Հայաստանի մէջ իրականացուցած է եւ ունի փորձառութիւն այդ մարզի մէջ: Գալ տարի Արցախի մէջ հնարաւոր պիտի ըլլայ գրեթէ բոլոր գիւղերու մէջ սկսիլ արեւային ուժանիւթի օգտագործման ծրագիրի իրականացումը: Առաջին հերթին ծրագրի մէջ պիտի ընգրկուին դպրոցներն ու համայնքային կեդրոնները, որոնց հոսանքի պահանջը կ՛ապահովուի արեւային ուժանիւթով: Արա Վարդանեան համոզուած է, որ այս երկու ծրագիրները պիտի ունենան շարունակական բնոյթ:
«Հիմնադրամի գործունէութեան 25 տարիների ընթացքում ունեցել ենք 700 հազար նուիրատուութիւն՝ 350 միլիոն ԱՄՆ դոլարի չափով: Թուերը բաւական խօսուն են: Գումարների զգալի մաս գոյանում է փոքր նուիրատուութիւններով: Շատ հպարտ ենք, որ հիմնադրամին սատարում են մեծ քանակով բարերարներ: Համոզուած ենք, որ կը գայ մի օր եւ մենք կը փաստենք, որ մեզ սատարում է ոչ թէ 700 հազար, այլ 10 միլիոն բարերար», աւելցուց Վարդանեան: