Աղբիւր՝ www.yerkirmedia.am

Հայոց ցեղասպանութեան թանգարան-ինստիտուտը ձեռք է բերել Վանի հերոսամարտի բացառիկ լուսանկար: Այն «Ֆեյսբուք» սոցիալական ցանցի իր էջում հրապարակել է թանգարան֊ ինստիտուտի տնօրէն Հայկ Դէմոյեանը:

«Րոպէներ առաջ Հայոց ցեղասպանութեան թանգարան֊ ինստիտուտի հաւաքածուն համալրուեց Վանի հերոսամարտի բացառիկ մի բնօրինակ լուսանկարով, որը ներկայացնում է 1915 թ. ապրիլեան հերոսամարտի մասնակիցներին եւ վերջիններիս կողմից թուրքական կանոնաւոր բանակից 101 տարի առաջ ճիշտ այս օրերին առգրաւուած հրանօթները»,- «Արմէնպրես»-ի հաղորդմամբ` գրել է Դէմոյեանը:

Այս լուսանկարը, որն արուել է Վանում գտնուած ամերիկացի բժիշկ միսիոներների կողմից, ժամանակին տպագրուել է ամերիկեան մամուլում, սակայն բնօրինակը համարւում էր կորած: