Աղբիւր՝ www.yerkir.am

ԼՂՀ նախագահ Բակօ Սահակեանի մամուլի խօսնակ Դաւիթ Բաբայեանը Yerkir.am-ին յայտնեց, որ ղարաբաղա-ադրբեջանական սահմանին կրակոցները դադարել են: Ապրիլի 5-ի ժամը 12:00-ից, երկկողմանի պայմանաւորուածութիւն է ձեռք բերուել ղարաբաղա-ադրբեջանական սահմանի ողջ երկայնքով կրակը դադարեցնելու մասին, քանի որ այս պահին բանակցային գործընթացներ են ընթանում:

ԼՂՀ ՊԲ լրատուութեան եւ քարոզչութեան բաժնի պետ Սենոր Հասրաթեանը «Հետք»-ի հետ զրոյցում հաստատել է կրակի դադարեցման վերաբերեալ երկկողմանի համաձայնութեան մասին լուրը: Մանրամասները կը հաղորդենք յաջորդիւ:

Յիշեցնենք, որ ապրիլի 5-ին Վիեննայում անցկացուելու էին ԵԱՀԿ Մշտական խորհրդի նիստը` Մինսկի խմբի մասնակցութեամբ:

Աղբիւր՝ www.yerkir.am

Ապրիլի 6-ի գիշեր ղարաբաղա-ադրբեջանական հակամարտ զօրքերի շփման գօտում հիմնականում պահպանուել է ապրիլի 5-ի ժամ 12-ին ձեռք բերուած` կրակի դադարեցման շուրջ պայմանաւորուածութիւնը: