Աղբիւր՝ www.armenian.irib.ir

Այսօր Էջմիածնում կայացած հանդիպման ընթացքում, Հայաստանում Իրանի դեսպանատան մշակութային կցորդ՝ Մաջիդ Մեշքին եւ Մայր Աթոռ Ս. Էջմիածնի եկեղեցական յարաբերութիւնների պատասխանատու՝ Յովակիմ եպիսկոպոս Մանուկեանը, քննարկել են առաջիկայ գործունէութեան ծրագրեր՝ ի նպաստ կրօնների երկխօսութեան զարգացման։ Հանդիպման ընթացքում, կողմերը շեշտել են կրօնական ու հասարակական համագործակցութիւնների ընդլայնման անհրաժեշտութիւնը։

Նոյն հանդիպմանը, Իրանի եւ Հայաստանի պաշտօնատարները նշելով, որ ներկայիս աշխարհն առաւել քան երբեւէ խաղաղութեան եւ սրտակցութեան կարիք ունի, կարեւորել են աշխարհի գերխնդիրների կարգաւորման համար կրօնական երկխօսութեան անհրաժեշտութիւնը։

Վերոնշեալ ժողովում կողմերը համաձայնել են երկու երկրի կրօնական ներկայացուցիչների մասնակցութեամբ համագումար կազմակերպել Էջմիածնում։

Յատկանշական է, որ Իրանի եւ Հայաստանի պաշտօնատարները փորձում են կրօնական ու հասարակական համագումարներ կազմակերպելով ընդլայնել երկու երկրի կրօնական ու սոցիալական համագործակցութիւնները։