Աղբիւր՝ www.yerkirmedia.am

Հայաստանն անհանգստացած է Իրաքի հիւսիսում եզդիների հանդէպ շարունակւող զանգւածային բռնութիւնների ու մարդկային զոհերի համար: Նման յայտարարութիւն է տարածել Հ.Հ.-ի նախագահի մամուլի քարտուղար Արման Սաղաթէլեանը:

«Ազգային ու կրօնական փոքրամասնութեան եւ մասնաւորապէս, Իրաքի եզդիների հանդէպ բռնութեան կիրառումը բացարձակապէս անընդունելի է, իսկ միջազգային հանրութիւնը պէտք է անհապաղ քայլեր ձեռնարկի դրանք ժամ առաջ դադարեցնելու, տուժածներին աջակցութիւն ցուցաբերելու, մարդասիրական օգնութիւն տրամադրելու համար»,- ասւած է յայտարարութեան մէջ:

Հանրապետութեան նախագահը յանձնարարականներ է տւել Արտգործնախարարութեանն ու դիւանագիտական առաքելութիւնների ղեկավարներին՝ միջազգային ասպարէզում խնդրին պատշաճ մակարդակով հետամուտ լինելու համար:

Նախագահ Սարգսեանը վարչապետի հետ քննարկել է նաեւ Հայաստանից մարդասիրական օգնութեան ծաւալներն աւելացնելու հարցը, ինչին լուծում կը տրւի օրերս: Խնդիրը շարունակելու է մնալ պաշտօնական Երեւանի ուշադրութեան կենտրոնում: