Աղբիւր՝ www.armenian.irib.ir

Հայաստանի կառավարութիւնը հաստատել է տուրիզմի բնագաւառում Իրան­Հայաստան համագործակցութեան համաձայնագրի նախատեքստը, որը ստորագրւելու է երկու երկրի պաշտօնեաների կողմից:

Հայաստանի հանրապետութեան էկոնոմիկայի փոխնախարար` Գարեգին Մելիքեանը, համաձայնագրի վերաբերեալ ասել է. «Նկատի ունենալով Իրան­Հայաստան լաւ յարաբերութիւնները եւ զբօսաշրջութեան արդիւնաբերութեան կարեւորութիւնն ի նպաստ տնտեսութեան զարգացման, Երեւանն ու Թեհրանը ցանկանում են ընդլայնել գործակցութիւնները՝ զբօսաշրջութեան ոլորտում»։

Ըստ Գարեգին Մելիքեանի՝ Իրան­ Հայաստան տուրիստական գործակցութիւնների ընդլայնման համաձայնագրում ընդգրկւած են տեղեկատւութիւններ` երկու երկրի պատմամշակութային վայրերի ու մշակութային ժառանգութիւնների մասին, դիւրութիւններ փոխադարձ ուղեւորութիւնների համար եւ համատեղ տուրիստական այցելութիւնների կազմակերպումը։

Վերջին մէկ տարում Իրանի ու Հայաստանի պետայրերը մի քանի համաձայնագիր են ստորագրել զբօսաշրջութեան ոլորտի վերաբերեալ, յատկապէս երկու երկրի հիւրանոցային ծառայութիւնների բնագաւառում։

Վերջերս երկու երկրի պաշտօնեաներն ստորագրեցին աւիացիայի ոլորտում համագործակցութեան մասին յուշագիրը, որի համաձայն, Իրանի եւ Հայաստանի միջեւ կիրականացւի շաբաթական 50 օդային թռիչք: Այս համաձայնագիրը նպաստում է ոչ միայն զբօսաշրջութեան զարգացմանը, այլ նաեւ երկու երկրների միջեւ առեւտրափխանակումների ծաւալի աւելացմանը: