Ուրբաթ՝ օգոստոսի 19-ի առաւօտեան, Սպահանի հայոց թեմի առաջնորդ գերշ. Տ. Սիփան Ս. Եպս. Քէչէճեանի նախագահութեամբ, Սուրբ Աստւածածնի Վերափոխման տօնը նշւեց Փերիոյ գաւառի Խոյգան գիւղի «Ս. Աստւածածին» եկեղեցում, ուր նշւեց նաեւ նոյն եկեղեցու անւանակոչութեան տօնը:

Քարոզը տրւեց թեմակալ առաջնորդ Սրբազան Հօր միջոցով: Նա անդրադառնալով տօնի պատմական դրւագին, թէ ինչպէս Սուրբ Կոյսի թաղումից օրեր յետոյ, նրա մարմինը վերափոխւեց երկինք, յատկապէս մատնանշեց, որ քրիստոնէութեանը դէմ արտայայտւող մարդիկ օգտագործելով Սուրբ Կոյսի կենսագրականի այն դրւագը, որտեղ ասւած է, թէ նա ամենօրեայ կարգով այցելում էր իր որդու թաղման վայրը եւ աղօթում այնտեղ, փորձել են կասկածի տակ առնել Քրիստոսի յարութինն առնելու եւ երկինք համաբարձւելու իրողութիւնները: Գերշ. Տ. Սիփան Ս. Եպս. Քէչէճեանը բացատրեց, որ Սուրբ Կոյսը գերեզման էր այցելում ոչ թէ իր որդու մարմնի գտնւելու վայրում սգալու, այլ մխիթարւելու, հոգեկան կորով եւ զօրութիւն ստանալու եւ իր հաւատը առաւել ամրապնդելու համար: Սրբազան Հայրն այս տօնը լաւագոյն առիթը համարեց, որպէսզի աղօթենք՝ բարի ուխտերի կատարման, մեղքերի քաւութեան եւ մեր ու մեր սիրելիների առողջութեան համար:

Յաւարտ Սուրբ Պատարագի տեղի ունեցաւ խաղողօրհնէքի կարգը, որից յետոյ օրհնւած խաղողները բաժանւեցին ներկաների միջեւ:

Հարկ է նշել, որ օրւայ պատարագիչ հայրն էր արժ. Տ. Սահակ քհնյ. Մինասեանը. երգեցողութեամբ հանդէս եկան Ս. Ամենափրկիչ վանքի «Կոմիտաս» երգչախմբի ադամուհիները: Ներկայ էին նաեւ եկեղեցականաց դասի ներկայացուցիչները, Սպահանի հայոց թեմի Կրօնական խորհրդի ատենապետ Զաւէն Սիմոնեանն ու ժողովուրդ:

Թղթակից (Նոր Ջուղա)