Ուրբաթ՝ 2021 թւականի հոկտեմբերի 29-ին, Շիրազում, Սպահանի հայոց թեմի 17-րդ նստաշրջանի Պատգամաւորական Ժողովի ընտրութիւնների շրջագծում կայացաւ Շիրազի ընտրատարածքի ընտրութիւնը, որին ներկայ էր նաեւ թեմի Թեմական խորհրդի կողմից լիազօրւած անձ Զարեհ Ղարախանեանը։

Շիրազահայ համայնքը մասնակցելով վերոնշեալ ընտրութեանը, որը կայացաւ առաւօտեան ժամը 11։00-ից մինչեւ կէսօրւայ 1։00-ը, «Հայ Տուն»-ում, միաձայն քւէներով ընտրեց Հերմոնդ Յարութիւնեանին՝ որպէս համայնքի պատգամաւոր մաս կազմելու թեմի 17-րդ նստաշրջանի Պատգամաւորական Ժողովին։

Հարկ է նշել, որ սոյն ընտրութիւնը պէտք է կայանար թւականիս յուլիս ամսին, սակայն մի շարք դժւարութիւնների պատճառով յետաձգւեց։

Հաղորդագրութիւնը կազմեց «Ալիք» օրաթերթի Նոր Ջուղայի թղթակիցը՝ ՍՀԹ Առաջնորդարանի դիւանատան հաղորդած տեղեկութեան համաձայն