Նոր Ջուղայի Հայ Մ. Մ. «Արարատ» միութեան Ուսանողական միաւորի վարչութեան նախաձեռնութեամբ, ուրբաթ՝ սեպտեմբերի 18-ի երեկոյեան, նոյն միութեան յարկի տակ, խորհրդատւական հանդիպում տեղի ունեցաւ համայնքի նախահամալսարանական օղակի աշակերտների եւ ուսանողների ու զանազան մասնագիտութիւններով համալսարանաւարտների միջեւ։ Սոյն հանդիպմանը հրաւիրւել եւ ներկայ էր նաեւ Իսլ. խորհրդարանում Սպահանի եւ հարաւային իրանահայութեան պատգամաւոր Ռոբերտ Բեգլարեանը։

Նիստն ընթացաւ որոշւած օրակարգի համաձայն, որտեղ համալսարան մուտք գործել ցանկացողներին օգտակար խորհուրդներ եւ տեղեկութիւններ հաղորդւեցին մուտքի քննութեան եւ համալսարանական զանազան ճիւղերի ու մասնագիտութիւնների կապակցութեամբ։

Պատգամաւոր Ռոբերտ Բեգլարեանը գնահատելով կազմակերպիչների գովելի նախաձեռնութիւնը՝ իր խրախուսական խօսքերն ուղղեց ապագայ ուսանողներին։

(Պատգամաւորի գրասենեակ)