Աղբիւր՝ www.armenian.irib.ir

Իրանի զբօսաշրջութեան, ձեռարուեստի եւ մշակութային ժառանգութեան կազմակերպութեան փոխնախագահ՝ Մոհամմեդ Հասան Թալեբեանը Իրան-Հայաստան մշակութային համագործակցութիւնների ընդլայնման մասին է տեղեկացրել:

Երկուշաբթի օրը, նա ասել է. «Թեհրանն ու Երեւանը պատրաստ են մշակութային տարբեր բաժիններում ընդլայնել համագործակցութիւնը եւ այդ ուղղութեամբ շարունակւում է երկու երկրի միջեւ երկխօսութիւնը»:

Իրանցի այդ պաշտօնեան նշել է, որ Հայաստանի կառավարութեան հետ բանակցութիւններից յետոյ, յառաջիկայ երկու շաբաթների ընթացքում Երեւան կը գործուղուեն Իրանի մշակութային ժառանգութեան կազմակերպութեան փորձագէտները, որպէսզի զեկոյց պատրաստեն Երեւանի Կապոյտ մզկիթի համաշխարհային գրանցման եւ ԻՒՆԵՍԿՕ-ին ներկայացնելու համար:

Աւելի վաղ, 1990-ականներին, Իրանի իսլամական յեղափոխութեան անձնուրացների հիմնադրամի համագործակցութեամբ եւ Իրանի մշակութային ժառանգութեան կազմակերպութեան վերահսկողութեամբ, վերանորոգուել է Երեւանի Կապոյտ մզկիթը: