Աղբիւր՝ www.armenian.irib.ir
Ի.Ի.Հ.-ի Ռադիօ-հեռուստատեսութեան կազմակերպութեան տնօրէն Մոհամմեդ Սառաֆռազը չորեքշաբթի օրը Իրանի իսլամական խորհրդարանում կրօնական փոքրամասնութիւնների պատգամաւորների հետ հանդիպման ժամանակ անդրադառնալով Ի.Լ.Ի.Պ. ահաբեկչական խմբի հանդէպ արեւմուտքի եւ Սիոնիստական ռեժիմի հովանաւորութեանն, ասել է. «Ահաբեկչական այս խմբի համար, որը վայելում է Ա.Մ.Ն.-ի ու Սիոնիստական ռեժիմի ուղղակի օժանդակութիւնը, կրօնների միջեւ որեւէ տարբերութիւն գոյութիւն չունի»:
«Կրօնական փոքրամասնութիւններն իսլամական խորհրդարանում պատգամաւորներ ունեն, մինչդեռ նման հնարաւորութիւն գոյութիւն չունի արեւմտեան ու արաբական մեծ թուով երկրներում»,- յաւելել է նա:
Կրօնական փոքրամասնութիւնների ներկայացուցիչներն այս հանդիպման ժամանակ նշելով Զ.Լ.Մ.-ների աշխատանքի կապակցութեամբ իրենց մտահոգութիւնները, ցանկութիւն յայտնեցին, որպէսզի կրօնական փոքրամասնութիւններին վերաբերող լուրերը առաւել լայն արձագանք գտնեն Ի.Ի.Հ.-ի Ռադիօ-հեռուստատեսութեան ներքին լուրերում եւ արտասահմանեան հաղորդումներում:
Պատգամաւորները նաեւ նշել են. «Կրօնական փոքրամասնութիւնների լուրերի մեկնաբանմամբ աշխարհը կ'իմանայ, որ մենք տարբեր ազգութիւնների, ցեղերի ու կրօնների պատկանող Իրանի ժողովորդի կողքին խաղաղ կեանք ենք վարում»:
Կրօնական փոքրամասնութիւնների պատգամաւորներն ընդգծէել են. «Իրանը աստուածային կրօնների երկիր է եւ ժողովուրդը խաղաղութեամբ ու անկեղծութեամբ ապրում է իրար կողքի»: