ՍՀԹ Թեմական խորհրդի նորընտիր կազմի առաջին հանդիպումը Ազգային Առաջնորդարանի պաշտօնէութեան հետ, ներկայութեամբ թեմակալ Առաջնորդ գերշ. Տէր Սիփան Ս. Եպս. Քէչէճեանի, տեղի ունեցաւ երեքշաբթի՝ հոկտեմբերի 17-ին: 

Թեմական խորհրդի ատենապետ Վարուժ Մինասեանը հիմնականում անդրադարձաւ ազգային իշխանութեան պաշտօնէութեան վարձատրութեանը եւ նշեց, թէ աշխատավարձերի մակարդակի բարձրացումը եւ ներկայ տնտեսական ծանր պայմանների հետ համապատասխանեցնելը շարունակ պահւում է Թեմական խորհրդի նիստերի օրակարգում։

Նա յոյս յայտնեց, որ ինչպէս միշտ, Թեմական խորհուրդը վայելելու է պաշտօնէութեան սերտ համագործակցութիւնը, միասնական աշխատանքի շնորհիւ փարատւելու են առկայ դժւարութիւնները եւ աւելիով է բարձրանալու Ազգային Առաջնորդարանի աշխատանքային արդիւնաւէտութիւնը։

Արտայայտւեցին նաեւ գերշ. Տէր Սիփան Ս. Եպս. Քէչէճեանը եւ կազմի միւս անդամները։ Սրբազան Հայրը յատուկ շնորհակալութիւն յայտնեց պաշտօնեաներին, առ այն, որ բոլորը սրտցաւօրէն կատարում են իրենց վստահւած պարտականութիւնը եւ պտտեցնում Ազգային Առաջնորդարանի աշխատանքի անիւը։

Հանդիպման ընթացքում առիթ տրւեց պաշտօնէութեանը իրենց յուզող հարցերն ուղղել Թեմական խորհրդին եւ առաջարկներ ներկայացնել աշխատանքային պատկան ոլորտի շուրջ:

Վերջում որոշւեց հնչած խնդիրների համար պատշաճ լուծում գտնելու նպատակով հարկ եղածը տնօրինել։

Հանդիպման պաշտօնական բաժնի աւարտին, տեղի ունեցաւ հիւրասիրութիւն, որն ընթացաւ ջերմ եւ հաճելի մթնոլորտում։

Հանրային կապ՝ ՍՀԹ Ազգային Առաջնորդարանի