Օգոստոսի 5-ից 19-ը անցկացւող Համահայկական ամառային 8-րդ խաղերին մասնակից Սպահանի մարզական պատւիրակութիւնը հինգշաբթի՝ օգոստոսի 3-ի առաւօտեան ուղեւորւեց դէպի Հայաստան։

Այս մարզական իրադարձութեանը Սպահանի մարզիկների մասնակցութիւնն ապահովւել է Թեմական խորհրդի կողմից կեանքի կոչւած յանձնախմբի միջոցով։

Սպահանից հայրենիք են ժամանելու 21 մարզիկ եւ 3 մարզիչ՝ 2 պատասխանատուի գլխաւորութեամբ։ Պատւիրակութեան գլխաւոր պատասխանատուն է յանձնախմբի նախագահ Ժորժիկ Մատթէոսեանը։

Այս խաղերում մեր ներկայացուցիչները մրցելու են չորս մարզաձեւում՝ տղայոց բասկետբոլ, սեղանի թենիս, թեթեւ ատլետ եւ թենիս։

Բարի երթ եւ յաղթանակ ենք մաղթում մեր պատւիրակութեանը։

Թղթակից (Նոր Ջուղա)