Աղբիւր՝ www.armenianorthodoxchurch.org
Վեհափառ Հայրապետը 2014 տարին հռչակել է «Տարեցների Տարի»: Այս առիթով Վեհափառ Հայրապետի պատգամը կը կարդացւի կիրակի՝ 12 յունւարին, Անթիլիասի Ս. Գրիգոր Լուսաւորիչ Մայր Տաճարիում: Վեհափառ Հայրապետի պատգամը կը կարդացւի նաեւ Մեծի Տանն Կիլիկիոյ Կաթողիկոսութեան բոլոր թեմերում:
Վեհափառ Հայրապետն իր պատգամի վերջաւորութեանը հետեւեալ թելադրութիւնն է կատարում.-
ա) Իւրաքանչիւր ընտանիքի առաջնահերթ ու նւիրական պարտականութիւնը պէտք է լինի իր տարեց անդամների նկատմամբ անհրաժեշտ հոգածութիւնը ցուցաբերել բարձրագոյն աստիճանի նախանձախնդրութեամբ:
բ) Մեր ժողովրդի զաւակների եւ յատկապէս մեր նոր սերնդի մօտ տարեցների նկատմամբ մեր ունեցած յարգանքը, սէրն ու նախանձախնդրութիւնը անհրաժեշտ է աւելի խորացնել: Այս ուղղութեամբ մեր ընտանիքները, դպրոցներն ու ակումբները վճռական դեր ունեն կատարելիք:
գ) Անհրաժեշտ է նիւթապէս սատարել գործող ծերանոցների ու ընկերա-բժշկական կենտրոնների գործունէութեանը, որպէսզի նրանք կարողանան առաւել եւս բարելաւել ու ծաւալել իրենց մարդասիրական ծառայութիւնը:
դ) Տարեցների գծով մեր հոգածութիւնն աւելի կազմակերպ դարձնելու եւ առաւել ծաւալելու անհրաժեշտութիւնից մղւած, անհրաժեշտ է նոր ծրագրեր մշակել արդիական ու մասնագիտական մօտեցումներով: Մեր ունեւոր ազգայինները պէտք է լրջօրէն մտածեն յիշեալ կարիքներին մասին։