ՍԱՐԳԻՍ ՅՈՎՍԷՓԵԱՆ ՅԱՂԹԵՑ ԹՈՒՐՔ ԸՄԲԻՇԻՆ ԵՒ ՆՈՒԱՃԵՑ ԵՒՐՈՊԱՅԻ ԱՌԱՋՆՈՒԹԵԱՆ ՊՐՈՆԶԷ ՄԵՏԱԼ

Պուխարեստի մէջ վերջ գտաւ ըմբշամարտի Եւրոպայի երիտասարդական առաջնութիւնը, կը տեղեկացնէ ՀԱՕԿ-ի պաշտօնական կայքը:

Մրցագորգ դուրս եկած հայ ազատ ոճային ըմբիշներէն 84 քկ քաշային Սարգիս Յովսէփեան պրոնզէ մետալի համար պայքարին 4:1 հաշուով յաղթեց թուրք Սեմիհ Եազիչին եւ նուաճեց պրոնզէ մետալ:

55 քկ քաշային Մխիթար Գրիգորեան պրոնզէ մետալի համար պայքարին 9:16 հաշուով զիջեցաւ պուլկարացի Միգեայ Սալին:

66 քկ քաշային Աշոտ Վելիցեան պարտուած էր մեկնարկային գօտեմարտին մէջ:

Այսպիսով` ազատ ոճի ըմբշամարտի Հայաստանի երիտասարդական հաւաքականը հայրենիք կը վերադառնայ 2 պրոնզէ մետալով, որոնք նուաճած էին Տիգրան Մնացականեան (74 քկ) եւ 84 քկ քաշային Սարգիս Յովսէփեան:

ՍԱՐԳԻՍ ՅՈՎՍԷՓԵԱՆ ՅԱՂԹԵՑ ԹՈՒՐՔ ԸՄԲԻՇԻՆ ԵՒ ՆՈՒԱՃԵՑ ԵՒՐՈՊԱՅԻ ԱՌԱՋՆՈՒԹԵԱՆ ՊՐՈՆԶԷ ՄԵՏԱԼ

Մեկնաբանութիւն գրել