Աղբիւր՝ www.yerkir.am

Թուրքիայում քրդամէտ Ժողովուրդների դեմոկրատական կուսակցութեան հայ պատգամաւոր Կարօ Փայլանը Հայոց ցեղասպանութեան 102-րդ տարելիցի կապակցութեամբ ուղերձ է յղել իր ֆէյսբուքեան էջում:

Փայլանի տարածած լուսանկարում, որտեղ նռան վրայ մակագրւած է` «Որոշ վէրքեր չեն բուժւում ժամանակի ընթացքում», ասւում է. «Այսօր Ապրիլի 24-ն է` 1915 թւականի Հայոց ցեղասպանութեան զոհերի յիշատակի օրը: Մեծ Եղեռնից անցել է 102 տարի, սակայն այս հողերում տեղի ունեցած` մարդկային յանցանք համարւող Հայոց ցեղասպանութեան հետ դեռեւս չեն առերեսւել, թէեւ Ցեղասպանութեան հետ, անցեալի եւ իրականութեան հետ առերեսւելը կը նպաստի մեր երկրում հասարակութեան խաղաղութեանը: Չմոռանանք, որ անպատիժ մնացած իւրաքանչիւր յանցանք դրա կրկնութեան համար պատճառ կը հանդիսանայ, ինչպէս եւ շարունակում է հանդիսանալ…

Եկէք միասնաբար դէմն առնենք գրի առնւած այս հերքողական պատմութեան, իրականացնենք ճշմարտութեան բացայայտումն ու լաւանանք:

Յարգանքով եմ յիշում Հայոց ցեղասպանութեան զոհերին: Թող լուսաւորւեն նրանց հոգիները»: