Աղբիւր՝ www.yerakouyn.com

Գերմանիա ուղեւորւող Թուրքիոյ վարչապետին՝ այդ երկրի խորհրդրանի պատգամաւորը հրապարակային կոչ է ուղղել ընդունելու հայոց եւ ասորիների ցեղասպանութիւնները եւ ներողութիւն խնդրել դրա համար:

Պունդեսդաքի Քրիստոնէական միասնութիւն համախառն կառավարութեան մարդու իրաւունքների հարցով խօսնակ, պատգամաւոր Էրիգա Շդէյնբախը “Բիլդ” հանդէսին տւած հարցազրոյցի ընթացքում  մատնանշել է, որ այս տարի լրանում է առաջին համաշխարհային պատերազմի հարիւրամեակը, որի ընթացքում իրականացւեց դարի առաջին Ցեղասպանութիւնը հայերի նկատմամբ: Նա կոչ է ուղղել Էրդողանին՝ չմերժել Ցեղասպանութեան փաստի ճանաչումը, առերեսւել պատմութեան հետ եւ թոյլ տալ, որ թրքական դասագրքերում տեղ գտնի Օսմանեան կայսրութեան պատմութեան իրական փաստը:

Ըստ գերմանացի պատգամաւորի, նման պարագայի միայն հաշտեցում կարող է լինել: