Աղբիւր՝ www.yerkirmedia.am

Չի բացառւում, որ իր բռնազաւթուած ունեցուածքը վերադաձնելու պահանջով Թուրքիային դիմի նաեւ Մայր աթոռ սուրբ Էջմիածինը. «Ամերիկայի ձայն» ռադիօկայանին տուած հարցազրոյցում ասել է Ամենայն հայոց Գարեգին Բ կաթողիկոսը:

Մայր Աթոռը դեռեւս ուսումնասիրում է փաստաթղթերը, արխուային նիւթերը՝ պարզելու, թէ ի՞նչ հիմքեր կան՝ Թուրքիային սեփականութեան իրաւունքի պահանջ ներկայացնելու համար:

«Յանձրարական ենք տուել, որպէսզի ուսումնասիրութիւններ կատարուեն, արխիւային փաստաթղերը վեր հանուեն: Սա մի գործընթաց է, որը լուրջ ուսումնասիրութիւններ է պահանջում»,- ասել է Ամենայն հայոց կաթողիկոս Գարեգի Երկրորդը։

Յիշեցնենք, որ Մեծի Տանն Կիլիկիոյ կաթողիկոսութիւնը Սիսի կաթողիկոսարանի եւ յարակից տարածքների սեփականութեան իրաւունքը վերականգնելու համար դատական հայց է ներկայացրել Թուրքիայի Սահմանադրական դատարան: Եւ Արամ Ա կաթողիկոսն ասել է, որ Թուրքիայի դատական ատեաններում բաւարար յանգուցալուծման չհասնելու դէպքում կը դիմեն Մարդու իրաւունքների Եւրոպական դատարան: