Աղբիւր՝ www.armenianchurch.org
Ապրիլի 22-ին` ժամը 21:30-ին, Մայր Տաճարում, նախագահութեամբ Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց Կաթողիկոսի եւ մասնակցութեամբ հայ հոգեւորականութեան ու Հայոց Ցեղասպանութեան 100-րդ տարելիցի առիթով Հայաստան ժամանած Քրիստոնէական Եկեղեցիների հովուապետերի ու պաշտօնական պատուիրակութիւնների, տեղի կ'ունենայ Հսկման արարողութիւն: (Արարողութեանը մասնակցել ցանկացողները կարող են օգտուել Երեւանի քաղաքապետարանի կողմից այս նպատակով յատկացուած աւտոբուսներից, որոնք «Հրազդան» մարզադաշտի հարեւանութեամբ գտնուող Բրազիլիայի հրապարակից ժամը 19:00-ից Մայր Աթոռ Ս. Էջմիածին կը սկեն փոխադրել ժողովրդին):
Ապրիլի 23-ի առաւօտեան` ժամը 10:00-ին, Մայր Տաճարում կմատուցուի Ս. Պատարագ:
Նոյն օրը` ժամը 17:15-ին, Մայր Աթոռ Ս. Էջմիածնում` Ս. Տրդատի բաց խորանին, տեղի կ'ունենայ Հայոց Ցեղասպանութեան նահատակների սրբադասման արարողութիւնը: (Արարողութեանը մասնակցել ցանկացողների համար նախատեսուած աւտօբուսները կը շարժուեն Երեւանի Բրազիլիայի հրապարակից` ժամը 14:00-ից սկսեալ):
Սիրով հրաւիրում ենք մեր ժողովրդի հաւատաւոր զաւակներին Մայր Աթոռ Ս. Էջմիածնում իրենց աղօթական մասնակցութիւնը բերելու պատմական այս իրադարձութեանը: