Աղբիւր՝ www.yerakouyn.com

Հայաստանի Հանրապետութեան կեդրոնական դրամատունը Փետրուար 27-ին թողարկած է Հայոց ցեղասպանութեան 100-րդ տարելիցին նուիրուած յուշադրամ: Այդ մասին կը տեղեկացնէ ՀՀ կեդրանական դրամատան հասարակայնութեան հետ կապերու ծառայութիւնը:

Յուշադրամի դիմերեսին պատկերուած են Հայոց ցեղասպանութեան զոհերու յիշատակը յաւէրժացնող յուշակոթողներ. սգուոր մօր յուշարձան (Իժեւսկ),  երգահան Կոմիտասին նուիրուած յուշարձան (Փարիզ), խաչքար-յուշարձան (Էջմիածին), յուշասիւն-խաչքար (Գլենտել), Ծիծեռնակաբերդի յուշահամալիր (Երեւան): Մակագրութիւններն են` «Հայաստանի Հանրապետութիւն», «100 դրամ», «Republic of Armenia» եւ «Armenian Genocide»:

Յուշադրամի դարձերեսին պատկերուած են Հայոց ցեղասպանութեան զոհերու յիշատակը յաւէրժացնող յուշակոթողներ. յուշարձան՝ հայ հայդուկներուն (Ուջան), յուշակոթողի մէկ հատուած արծուի տեսքով (Հալէպ), յուշատախտակի մէկ հատուած` կնոջ քանդակ (Սան Բաուլու), խաչքար (Անտուերպեն): Մակագրութիւններն են` «Հայոց ցեղասպանութիւն», «1915-2015»:

Յուշադրամի անուանական արժէքն է 100 դրամ, այն պատրաստուած է 9250 յարգի արծաթէ: Յուշադրամի տրամագիծը 50,0 մմ է, քաշը՝ 67,2 գրամ:  տպաքանակը՝ 1000 հատ:

Էսքիզներու հեղինակներն են Սուրէն Սիմոնեանն ու Արամ Ուռուտեանը:  Յուշադրամը հատուած է Լիտուայի դրամահատարանի մէջ: