Աղբիւր՝ www.yerkirmedia.am

«ՓիԱր-ի Զարգացման Հայկական Կենտրոնը» համահայկական ֆլեշմոբ է նախաձեռնել՝ «Վառիր քո մոմը» խորագրով: Նպատակն ապրիլ ամսին խորհրդանշական թուով` 1.5 միլիոն սփիւռքահայերի հրաւիրելն է Հայաստան:

Ֆլեշմոբին կարող է մասնակցել Հայաստանից ու արտերկրից ցանկացած հայ: Դրա համար պէտք է առաւելագոյնը մէկ րոպէ տեւողութեամբ տեսանիւթ պատրաստել եւ տարածել սոցցանցերով:

Տեսագրուելիս պէտք է ձեռքին վառուող մոմ պահել եւ ապրիլին Հայաստան ժամանելու հրաւէր ուղարկել արտերկրում բնակուող որեւէ հայի: Վերջում մասնակիցը նշում է մի քանի հոգու անուն, որոնց կամենում է ներգրաւել ֆլեշմոբին: