Աղբիւր՝ www.yerakouyn.com

Վայրկեաններ առաջ Մալթայի մէջ վերջ գտաւ «Մանկական Եւրոտեսիլ-2016» երգի մրցոյթը, ուր Հայաստանը ներկայացուցին փոքրիկ երգչուհիներ Անահիտ Ադամեանն ու Մերի Վարդանեանը: Աղջիկները հանդէս եկան 2-րդ թիւով` ներկայացնելով Աւետ Բարսեղեանի եւ Նիկ Էգիբեանի հեղինակած «Տարբեր» երգը:

Ժիւրիի քուէարկութեան արդիւնքով` հայ պատուիրակները գրաւեցին մրցոյթի 2-րդ տեղը`հաւաքելով 232 նիշ: «Մանկական Եւրոտեսիլ-2016»-ի յաղթող ճանչցուեցաւ Վրաստանի ներկայացուցիչ Մարիամ Մամատաշվիլին` իր Mzeo երգով, հաւաքելով 239 նիշ:

Յիշեցնենք, որ այս տարի մրցոյթին կը մասնակցէին 17 երկիրներէ ժամանած երգիչներ: Այդ երկրներն են` Իրլանտա, Ալպանիա, Ռուսիա, Մալթա, Պուլկարիա, Մակեդոնիան, Լեհաստան, Պելառուսիա, Ուքրանիա, Իտալիա, Սերպիա, Իսրայէլ, Աւստրիա, Հոլանտա, Կիպրոս, Վրաստան եւ Հայաստան: