Աղբիւր՝ www.yerkirmedia.am

Ստոյգ տուեալներ կան, որ Ադրբեջանի կողմից Արցախի դէմ ուղղուած դիւերսիոն գործողութիւններին մասնակցում են նաեւ թուրք զինուորականներ, բայց՝ ոչ միշտ:

hetq.am-ին տուած հարցազրոյցում լուրը հաստատել է Արցախի պաշտպանութեան նախարար Մովսէս Յակոբեանը: Նա երկրի կացութիւնը գնահատել է որպէս «ո՛չ պատերազմ, ո՛չ խաղաղութիւն» իրավիճակ:

Հրամանատարը նաեւ հաստատել է, որ դիւերսիոն խմբերին թուրքական բանակի հրահանգիչները վարժեցնում են Թուրքիայում, եւ Ադրբեջանը բաւական մեծ գումարներ է ներդնում այս ստորաբաժանումները պատրաստելու համար:

Մովսէս Յակոբեանը նաեւ յաւելել է, որ հակառակորդի ցանկացած գործողութիւն համարժէք արձագանքի է արժանանում:

«Եթէ համարժէք գործողութիւն չիրականացնես, կը յայտնուես պարտուողի դերում: Ես գտնում եմ, որ մեր բանակի այսօրուայ գործողութիւնները համարժէք են, եւ դա է զսպում Ադրբեջանին, որպէսզի լայնածաւալ ռազմական գործողութիւններ չսկսի»,- ասել է Մովսէս Յակոբեանը: