Աղբիւր՝ www.iranahayer.com

Հայաստանը դարձաւ ԻՒՆԵՍՔՕ-ի Զինւած Հակամարտութեան Դէպքում Մշակութային Արժէքների Պաշտպանութեան Կոմիտէի անդամ։

Դեկտեմբերի 16-17-ին Փարիզում` ԻՒՆԵՍՔՕ-ի կենտրոնակայանում, կայացաւ Զինւած Հակամարտութեան Դէպքում Մշակութային Արժէքների Պաշտպանութեան մասին 1954 թւականի Հաագայի Կոնւենցիայի Երկրորդ Արձանագրութեան անդամ պետութիւնների 5-րդ հանդիպումը:

Հանդիպման շրջանակներում, դեկտեմբերի 17-ին կայացան Զինւած Հակամարտութեան Դէպքում Մշակութային Արժէքների Պաշտպանութեան Կոմիտէի անդամների ընտրությունները: Քւէարկութեան արդիւնքում Հայաստանը դարձաւ Կոմիտէի անդամ` 4 տարի ժամկէտով: