Աղբիւր՝ www.alikonline.ir

Ամանորի եւ Սուրբ Ծննդեան տօների առիթով իրանահայ նահատակ զինւորներ Էդւին Շահմիրեանի եւ Ժորժ Քեշիշ Յարութիւնեանի ընտանիքներին կատարած այցի կապակցութեամբ, Իսլ. խորհրդարանում իրանահայութեան պատգամաւորներ դոկտ. Կարէն Խանլարեանն ու Ժորժիկ Աբրահամեանը երախտագիտութիւն են յայտնել Հանրապետութեան նախագահ դոկտ. Հասան Ռոհանիին:

«Յիսուս Քրիստոսի բարեբաստիկ ծնունդի կապակցութեամբ հայ նահատակների ընտանիքներին կատարած Ձեր այցն իրանահայ համայնքի հպարտութեան պատճառը դարձաւ:

Որպէս իրանահայութեան պատգամաւորներ մեր շնորհակալութիւնն ու երախատագիտութիւնն ենք յայտնում միասնութիւն սերմանող այս Աստւածահաճ արարքի կապակցութեամբ, եւ Նոր տարում ամենակարող Աստծուց հայցում ենք Ձեր առողջութիւնն ու յաջողութիւնը:»,- գրւած է իրանահայ պատգամաւորների երախտագիտութեան նամակում: