Երեքշաբթի՝ թւականիս դեկտեմբերի 20-ի առաւօտեան ժամը 9-ից մինչեւ 11:30-ը, Շահինշահրի հայոց ազգային «Նարեկ» մանկապարտէզ-նախակրթարանի յարկի տակ տօնական էր: Առիթը բոլորի կողմից միշտ սիրւած գեղեցիկ եւ մօտալուտ Նոր տարին էր: Դպրոցի տեսչութեան, ուսուցչական կազմի եւ ծնողական խորհրդի նախաձեռնութեամբ կազմակերպւած այս գեղեցիկ նախատօնակին՝ դպրոցի սաները գեղեցիկ տեսքով ներկայանալով՝ կատարեցին Ամանորին նւիրւած խանդավառ երգեր ու պարային շարժումներ: 

Խրախճանքի ընթացքում յայտնւեցին բոլոր մանուկների սիրելի ձմեռ պապն ու ձիւնանուշը, ովքեր ջերմ ու հարազատ մթնոլորտում սաներին նւիրեցին գեղեցիկ մրգեր:

Օրւայ առիթով ներկաները վայելեցին նաեւ նախապատրաստւած համեղ տօնական տորթը: