Չորեքշաբթի՝ 2016 թւականի ապրիլի 6-ին, Ն. Ջ. Հայոց Ազգային «Կատարինեան» տղայոց միջնակարգ դպրոցում, նախաձեռնութեամբ դպրոցի աշակերտ Րաֆֆի Դիլանչեանի, տեղի ունեցաւ «Պատմութեան կեղծարարները. Ադրբեջան» ֆիլմի ցուցադրութիւնը։

Աշակերտութեանը հակիրճ բացատրութիւն տրւեց վերջին օրերին ԼՂՀ եւ Ադրբեջանի միջեւ ընթացող պատերազմի մասին։ Փոխանցւեց, որ թշնամի երկրի միջոցով տարւող՝ նենգամիտ քաղաքականութեան  պլանում տարածւող ապատեղեկատւութեան դէմ պայքար տանելու համար անհրաժեշտ է հետեւել հաւաստի աղբիւրների լրատւութեանը, տեղեկացւած լինել եւ քարոզչութիւն տանել իրանցի հայրենակիցների շրջանում։

Այնուհետեւ պարսիկ ուսուցիչները միացան աշակերտներին ու դիտեցին «Ադրբեջանի Հանրապետութեան պատմութիւնը` համաշխարհային պատմութեան մեծագոյն սուտը»։