Հայաստանի եւ Լեռնային Ղարաբաղի հանրապետութիւնների հիմնադրման 25-ամեակին նւիրւած՝ Իրանահայ 28-րդ Գարնանային խաղերի մեկնարկը տրւեց հինգշաբթի՝ մարտի 17-ի ժամը 17:00-ին, Ս. Ամենափրկչեան վանքի բակում վեր խոյացած Հայոց Ցեղասպանութեան սուրբ նահատակների յիշատակը յաւերժացնող յուշարձանի մօտ, ուր հանդիսաւոր արարողութեամբ, Սպահանի Հայոց Թեմի առաջնորդ գերշ. Տ. Բաբգէն արք. Չարեանը խորհրդանշական ջահը վառեց յուշարձանի անմար կրակով, եւ այն օրհնելուց յետոյ յանձնեց ջահակիր խմբին, ովքեր վազքով ջահը փոխադրեցին Նոր Ջուղայի Հայ Մ. Մ. «Արարատ» միութեան կենտրոնատեղ:
Ուրբաթ՝ մարտի 18-ի ժամը 19:30-ին, միութեան մարզասրահում, ներկայութեամբ հոգեւոր հայրերի, Սպահանի 5-րդ շրջանի քաղաքապետ ճարտ. Ասառզադեգանի, Սպահան նահանգի սպորտի եւ երիտասարդութեան հարցերի կազմակերպութեան գերատեսուչ դոկտ. Սոլթան-հոսէյնիի, Թեհրանի եւ Սպահանի պաշտօնական այլ հրաւիրեալների, մարզական պատւիրակութիւնների եւ հոծ բազմութեան տեղի ունցաւ խաղերի բացման շքեղ հանդիսութիւնը:
Ներկաներին հայերէն եւ պարսկերէն լեզուներով ողջունեց հանդիսավարուհի Մանիա Ղուկասեանը, ապա մասնակցութեամբ միութեան «Սկաուտական» միաւորի Արի-Արենուշական հատւածների եւ Երէց փաղանգի ներկայացուցիչների տեղի ունեցաւ դրօշակի արարողութիւնն ու ներկաների յոտնկայս ունկնդրութեամբ հնչեց Իրանի Իսլամական Հանրապետութեան օրհներգը:
Յաջորդիւ ներկաների բուռն ծափողջոյնների ներքոյ տեղի ունեցաւ մասնակիցների հանդիսաւոր շքերթը, մասնակցութեամբ Թեհրանի Հայ Մշակութային «Արարատ» կազմակերպութեան եւ նոյն կազմակերպութեան Թաւրիզի մասնաճիւղի, Հայ Մ. «Սիփան», Հայ Ուս. «Չհարմահալ» եւ Հայ Մ. «Սարդարապատ» միութիւնների, Հայ Մ. «Րաֆֆի» համալիրի, Նոր Ջուղայի Հայ Մ. Մ. «Արարատ» միութեան եւ նոյն միութեան Շահինշահրի մասնաճիւղի մարզական պատւիրակութիւնների, որից յետոյ Ն. Ջ. Հայ Մ. Մ. «Արարատ» միութեան կենտրոնական վարչութեան ողջոյնի խօսքով հանդէս եկաւ վարչութեան նախագահ Մասիս Մինասեանը եւ ասաց. «Իրանահայ 28-րդ Գարնանային խաղերը նւիրւած է Հայաստանի եւ Արցախի անկախութեան 25-ամեակին: Իւրաքանչիւր հայ հպարտանում է իր երկրի անցեալով, ներկայով ու առաւել եւս ապագայով եւ այդ հպարտութեան զգացումն ու ապագայի նկատմամբ ունեցած փայլուն տեսլականն է, որ խթան հանդիսացան մեզ՝ իրանահայ 28-րդ Գարնանային խաղերը նւիրել նշւած բարեբաստիկ երկու առիթներին, խորապէս համոզւած լինելով, որ մեր երիտասարդ ու ծաղկափթիթ Հայաստանն ու Արցախն առաւել են հզօրանալու, քանի դեռ հայրենիքում ու սփիւռքում ունենք երիտասարդների այնպիսի բանակ, որոնց ներկայացուցիչներն այսօր համախմբւել են այստեղ: Մեր Հայաստանին ու Արցախին մաղթում ենք լուսապայծառ ապագայ, յաղթանակներ եւ որ ամենակարեւորն է՝ խաղաղութիւն, իսկ բոլոր մարզիկներին յաջողութիւն եւ առողջ մրցակցութիւն»:
Յաջորդիւ Սպահանի Հայոց Թեմի առաջնորդ գերշ. Տ. Բաբգէն արք. Չարեանն իր ողջոյնի խօսքում, շնորհաւորելով միութեան կենտրոնական վարչութեանը, ենթակայ միաւորներին, կազմակերպիչ յանձնախմբին ու անհատներին, մաղթեց նրանց առաւել ուժ եւ կորով՝ շարունակելու իրենց ազգանւէր ու հայանպաստ առաքելութիւնը: Նա դիմելով մարզիկ-ուհիներին՝ շնորհակալութիւն յայտնեց խաղերին մասնակցելու համար եւ կոչ արեց ձեռք-ձեռքի բռնած քայլել յաղթական եւ դառնալ մասնակիցները մեր պատմութեան կերտումի: Գերշ. Սրբազան Հայրը բարձր գնահատելով խաղերի կազմակերպումը եւ այն մտայղացումը, որ խաղերը նւիրւել են Հայաստանի ու Արցախի անկախութեան 25-ամեակին՝ ասաց. «Քառորդ դար է անցել վերանկախացումից. Հայաստանն ու Արցախն այս տարիների ընթացքին ունեցան քաղաքական ու տնտեսական վերիվայրումներ, ձախողութիւններ ու ձեռքբերումներ: Արցախում շարունակւում է ազատագրական պայքարը, հայոց բանակը եւ հայ զինւորը սահմանագծում պաշտպանում է մեր ժողովրդի արժանապատւութիւնն ու ազատ կեանքը: Մենք երազում էինք Հայաստանն ու Արցախը տեսնել ազատ, շէնացնել ու համախումբ ապրել. վերանկախացումից 25 տարի անց ի՞նչ ենք անում, ո՞ւր ենք գնում... Ուրիշի՞ն ծառայելու, օտարի՞ հողը մշակելու, օտարանալո՞ւ... 25-ամեակը առիթ է իւրաքանչիւր հայի համար՝ իր ուխտը վերանորոգելու, զօրավիգ լինելու հայրենիքին, մասնակից լինելու հայրենաշինութեան մեծ գործին եւ կառչած մնալու արիւնով գնւած սեփական սուրբ հողին»... «Այս է միակ ճանապարհը հայութեան... յաւերժութեան»,- եզրակացրեց գերշ. Սրբազան Հայրը:
Ելոյթների շարանում խօսք տրւեց Իրանի Իսլամական Խորհրդարանում Սպահանի եւ հարաւային իրանահայութեան պատգամաւոր Ռոբերտ Բեգլարեանին: Պրն. Բեգլարեանը ողջունելով բոլորի, ի մասնաւորի պետական եւ պաշտօնական հրաւիրեալների ներկայութիւնը, ասաց. «Մարզական նման փառատօների կազմակերպումը, անշուշտ կառուցւած է մշակութային հիմքերի վրայ եւ սպորտից բացի՝ օգնում է նաեւ մշակութային աշխատանքների զարգացմանը: Նման միջոցառումները ոչ միայն կախւածեն որեւէ հասարակութեան եւ այս պարագային իրանահայութեան կարողականութեանը, այլ պայմանաւորւած են նաեւ տւեալ հասարակութեան իշխանութեանը, որը կոչւած է ենթահող ստեղծել հասարակութեան անդամների համար, որպէսզի կարողանան նման ասպարէզներում իրենց դրսեւորել եւ օգտակար հանդիսանալ զանազան ոլորտների զարգացմանը»:
Խորհրդարանի պատգամաւորն անդրադառնալով երկրի մարզական, արհեստի ու արւեստի, գիտութեան եւ այլ ոլորտների զարգացման գործընթացում իրանահայութեան ներկայութեանն ու մասնակցութեանը, կարեւորութեամբ ընդգծեց հայ-իրանական բարեկամութեան վաղեմութիւնը եւ նշեց. «Դա պատմական այնպիսի խոր հիմքեր ու արմատներ ունի եւ այնպէս է միահիւսւած մէկը միւսին, որ հնարաւոր չէ միմեանցից բաժանել»: Պրն. Բեգլարեանը դիմելով մարզիկ-ուհիներին կոչ արեց՝ չմոռանալ, որ իրանահայեր են եւ կոչւած են պահպանելու ու զարգացնելու դարերի ընթացքում ձեռք բերւած հայ-իրանական բարեկամութիւնն ու միասնականութիւնը:
Այս առթիւ շնորհաւորական ուղերձ էին յղել Թեհրանի Հայոց Թեմի առաջնորդ գերշ. Տ. Սեպուհ արք. Սարգսեանը, Ատրպատականի Հայոց Թեմի առաջնորդ գերշ. Տ. Գրիգոր եպս. Չիֆթչեանը եւ Թեհրանի Հայոց Թեմի Թեմական Խորհուրդը:
Յաջորդ բաժնում ներկաները դիտեցին մարտի 17-ին տեղի ունեցած ջահավառութեան արարողութիւնից եւ ջահը «Արարատ» միութեան կենտրոնատեղի փոխադրելու ընթացքից պատրաստած տեսանիւթը, ինչը շարունակւեց ջահակիր խմբի խանդավառ մուտքով, ովքեր ներկայացնում էին՝ միութեան աղջ. բասկետբոլի խմբի անդամուհիներ Լուսինէ Ասատրեանը, Լուսինէ Սէթ-Աղայեանը, Արիգա Փուլադին, Սելին Խոջամալը, Նինել Մարկոսեանը, Անայիս Խուդավերդեանը, Նարէ Կիրակոսեանը, Սարա Ներսիսեանը, Մարինէ Հայրապետեանը, Արծւիկ Ղազարեանը, որոնց յաջողել էր արձանագրել փայլուն յաջողութիւն եւ մուտք գործել սուպրլիգայի Բ կարգի մրցոյթներում, Սպահան նահանգի «հէյաթ բասկետբոլի» անդամակցութիւնը նւաճած՝ Անիա Թորոսեանը, Մինելի Ղազարեանը եւ Մանէ Յովսէփեանը, մարմնամարզութեան (բադիբիլդինգ) մարզաձեւում երկրի մակարդակում յաջողութիւն արձանագրած Էդւիկ Մարկոսեանը եւ գլխաւոր ջահակիր Նորւիկ Օհանեանը, ում ձեռամբ բոցավառւեց 28-րդ Գարնանային խաղերի խորհրդանշական ջահը:
Յաջորդ բաժնում իրաւարար կազմի եւ մարզիկների ներկայացուցիչների միջոցով տեղի ունեցաւ արդար պայքարի եւ արդար դատավարութեան երդման կարգ:
Գեղարւեստական բաժնում միութեան Մշակութային միաւորի «Կռունկ» համոյթը, գեղարւեստական ղեկավարութեամբ Ռիմա Սիմոնեանի եւ Կարին Տէր-Մարտիրոսեանի, ասմունքի, պարի եւ համահունչ երգ-երաժշտութեան համադրութեամբ հանդէս եկաւ «Նոյեան հանճարեղ ջրհեղեղից մինչ ազատն Արցախ» խորագրով, Հայոց աշխարհի պատմական դրւագների ներկայացումով:
Պարային համարները կատարւեցին պարուսոյց Նունէ Մկրտչեանի ղեկավարութեամբ, իսկ Հայաստանին ու Արցախին նւիրւած երգերի կատարմամբ ելոյթ ունեցան Ռայիսա, Մելանի եւ Ստիւ Աւանէսեանները:
***
28-րդ Գարնանային խաղերի փակումը տեղի ունեցաւ մարտի 23-ին: Ժամը 19:00-ին, Նոր Ջուղայի Հայ Մ. Մ. «Արարարտ» միութեան մարզասրահում, իրանահայ 28-րդ Գարնանային խաղերի մեդալաբաշխման արարողութիւնը կայացաւ տղայոց երէց բասկետբոլի եզրափակիչ խաղից առաջ, որից յետոյ հոծ բազմութեան բուռն խրախուսանքների ներքոյ տեղի ունեցաւ Թեհրանի Հայ Մշակութային «Արարատ» կազմակերպութեան եւ Նոր Ջուղայի Հայ Մ. Մ. «Արարատ» միութեան բասկետբոլի եզրափակիչ հանդիպումը: Սեղմ մրցակցութեան արդիւնքում խաղն աւարտւեց յօգուտ Հ.Մ.Ա.Կ.-ի: Երեկոն փակւեց տղայոց երէց բասկետբոլի խմբերի մրցանակաբաշխման արարողութեամբ:
Վկայագրերը, մեդալներն ու գաւաթները յանձնեցին միութեան արտօնատէր պրն. Թաթուլ Օհանեանը, միութեան Կենտրոնական եւ Մարզական միաւորի վարչութիւնների եւ Կազմակերպիչ յանձնախմբի անդամ-ուհիները:
Երեկոն վարեց Ալինա Տէր-Սուքիասեանը:
Նշելի է, որ Ն.Ջ. Հայ Մ. Մ. «Արարատ» միութեան Կենտրոնական վարչութեան կազմակերպած վերոնշեալ մարզական փառատօնի իրականացման գործում, համագործակցութիւն էին բերել 28-րդ Գարնանային խաղերի Կազմակերպիչ յանձնախումբը, միութեան Մարզական, Մշակութային, Երէցների, Սկաուտական եւ Ուսանողական միաւորները, Կարգապահական կազմը, Ֆուտբոլի յանձնախումբը եւ անհատներ, նաեւ մասնակից կազմակերպութիւնների ու միութիւնների պատասխանատուները, մարզական խմբերը, մարզիչները եւ իրաւարար կազմը:
Մարզաճիւղերում մրցադաշտ իջան Թեհրանի, Թաւրիզի, Շահինշահրի եւ Նոր Ջուղայի 8 մարզական խմբեր:
Իրանահայ 27-րդ Գարնանային խաղերի արդիւնքները
ԲԱՍԿԵՏԲՈԼ
(Տղայոց երէց)
Ա կարգ
Հայ Մշակութային «Արարատ» Կազմակերպութիւն (Հ.Մ.Ա.Կ.)
Արութին Թահմազեան, Արնոս Սիմոնեան, Արին Բաղրամեան, Արէն Սաֆարլու, Արթին Հաթամզադեհ, Արգիշտ Մուսախանեան, Վարագա Սիմոնեան, Հայբերդ Վալանեան, Արթին Մատթէոսեան, Արւին Բաղրամեան, մարզիչ՝ Արա Անտոնեան, պատասխանատու՝ Արին Բաղրամեան
Բ կարգ
Նոր Ջուղայի Հայ Մ.Մ.«Արարատ» Միութիւն
Գեւիկ Ղարիբեան, Վահագն Համբարձում, Արգին Շահմիրզայեան, Մարտունի Խաչիկեան, Մխիթար Խուդավերդեան, Մուշեղ Մովսիսեան, Վահագն Մինասեան, Կարէն Դիլանչեան, Շիրակ Ղարիբեան, Հերմոնդ Մարկոսեան, Արթին Հայրապետեան, Մենուա Հայրապետեան, մարզիչ՝ Մոհամմադի, պատասխանատու՝ Արթուր Խաչիկ-Գրիգորեան
Գ կարգ
Հայ Ուս. Չահարմահալ Միութիւն (Թեհրան)
Էմանուէլ Իսկանդարի, Էդրիս Ներսիսեան, Միրօ Ղազարեան, Էջմին Աբրամեան, Ադէ Քարիմեան, Արէն Աւանէսեան, Արէն Արթունեան, Ալէք Ֆարհադեան, Արէն Աբրամեան, Փիտեր Գրիգորեան, Արութին Հայրապետեան, մարզիչ՝ Րաֆֆի Փաթաթանեան, պատասխանատու՝ Վազրիկ Յակոբեան
(Տղայոց երիտասարդական)
Ա կարգ
Հայ Ուս. Չահարմահալ Միութիւն (Թեհրան)
Միրօ Ղազարեան, Արէն Աւանէսեան, Ալէք Ֆարհադեան, Էջմին Աբրահամեան, Ադէ Քարիմեան, Էդրիս Ներսիսեան, Էմանուէլ Իսկանդարի, Փիտեր Գրիգորեան, մարզիչ՝ Րաֆֆի Փաթաթանեան, պատասխանատու՝ Վազրիկ Յակոբեան
Բ կարգ
Նոր Ջուղայի Հայ Մ.Մ. «Արարատ» Միութիւն
Արգին Ղարիբեան, Սիփան Անդրիաս, Էրիկ Դիլանչեան, Մխիթար Խուդավերդեան, Արին Թորոսեան, Ադրիան Ծատուրեան, Սարհադ Դիլանչեան, Գառնի Դիլանչեան, Արայիկ Սիմոնեան, Արփիար Դաւուդեան, Շիրակ Ղարիբեան, Արգամ Նազարեան, Արին Քեշիշեան, մարզիչ՝ Արթին Հայրապետեան, պատասխանատու՝ Արթուր Խաչիկ-Գրիգորեան
Գ կարգ
Հ.Մ.Ա.Կ.-ի Թաւրիզի մասնաճիւղ
Վանիկ Վարդազարեան, Սեպուհ Անդոնեան, Արաբօ Անդոնեան, Ալէքս Մելիքեան, Ադէն Առաքելեան, Էդւին Մանասէրեան, Ժիրօ Մանաէրեան, Մոնթէ Դիլանեան, Դերիկ Գէորգեան, մարզիչ՝ Անդրանիկ Մելիքեան, պատասխանատու՝ Ստիւ Գէորգեան
ՖՈՒՏԲՈԼ
Ա կարգ
Նոր Ջուղայի Հայ Մ.Մ. «Արարատ» Միութիւն
Գեւիկ Մկրտչեան, Լէօ Սարեան, Սեւադա Պետրոսեան, Միրօ Ղազարեան, Արամէ Իւնիկեան, Շիրակ Օրոջեան, Թադէ Վարդանեան, Արւին Յովհաննիսեան, Արմօ Մինասեան, Ռուբէն Մինասեան, Ռուբէն Իսաղուլեան, Սեպուհ Շահբազեան, Միրօ Արթունեան, Էդմոնդ Բաղդասարեան, Հրատ Ղուկասեան, Արութին Մովսիսեան, Վանանդ Շիրւանեան, Մասիս Ղազարեան, մարզիչ՝ Էդօ Թորոսեան, պատասխանատու՝ Սերժիկ Ասատրեան
Բ կարգ
Հայ Մ.Մ. «Րաֆֆի» Համալիր (Թեհրան)
Դւին Քարիմ-Մասիհի, Ռենէ Բաբախանլու, Ժիրայր Յարութիւնեան, Արէն Ասլանեան, Էրիկ Լազարի, Ռազմիկ Թորոսեան, Ռոմի Բաբախանլու, Փանուէլ Ծատուրեան, Միրօ Յակոբեան, Դերենիկ Թահմասեան, Փարշէն Խաչիկեան, Էջմին Ծատուրեան, Արւին Յովհաննիսեան, Էջմին Ալեքսանեան, Ռոմիկ Դաւուդեան, մարզիչ՝ Անդրանիկ Ղուչեան, պատասւխանատու՝ Արին Շամիրեան
Գ կարգ
Հայ Մ. «Արարատ» Կազմակերպութեան (Հ.Մ.Ա.Կ. - Թեհրան)
Սեւադա Նազարեան, Քաջայր Մահմուդի, Արիս Բաբայեան, Սիոն Թորոսեան, Լէօ Բաղդասարեան, Դիոն Խուդաբախշեան, Միորոն Միւռոն Ղարախանեան, Մենուա Բաբախանլու, Ալէքօ Վարդանեան, Միրօ Յովսէփեան, Էրիկ Մարտիրոսեան, Հենրիկ Պետրոսեան, մարզիչ՝ Գեւիկ Մատթէոսեան, պատասխանատու՝ Համլետ Գալստեան
ՍԵՂԱՆԻ ԹԵՆԻՍ
(աղջկանց երէց - խմբային)
Ա կարգ
Հայ Մ. «Սիփան» Միութիւն (Թեհրան)
Քաթրին Մինասքան, Էւլին Մարգարեան, Գայեանէ Յարութիւնեան, Աննա Քեշիշեան, Ալին Քեշիշեան
Բ կարգ
Հ.Մ.Ա.Կ.-ի Թաւրիզի մասնաճիւղ
Անգինէ Դաւթեան, Էլւինա Անդորեան, Փաթրիշիա Դանղեան, Սեւանա Դանղեան
Գ. կարգ
Նոր Ջուղայի Հայ Մ.Մ. «Արարատ» Միութիւն
Արինէ Ղազարեան, Անդրիա Խաչատուր, Անիա Մարգարեան, Քրիստին Մարկոսեան, Գալիա Դիլանչեան
(Աղջկանց երիտասարդական - խմբային)
Ա կարգ
Հայ Մ. «Սիփան» Միութիւն (Թեհրան)
Այլին Քեշիշեան, Աննա Քեշիշեան, Էւլին Մարգարեան
Բ կարգ
Հ.Մ.Ա.Կ.-ի Թաւրիզի մասնաճիւղ
Անգինէ Դաւթեան, Ալինա Նաւասարդեան, Փաթրիշիա Դանղեան
Գ կարգ
Նոր Ջուղայի Հայ Մ.Մ. «Արարատ» Միութիւն
Անդրիա Խաչատուր, Անիա Մարգարեան, Քրիստին Մարկոսեան
(Տղայոց երիտասարդական - խմբային)
Ա կարգ
Հայ Մ. «Սարդարապատ» Միութիւն (Թեհրան)
Բենիա Ասլանի, Ֆրեդրիկ Վարդանեան, Մենուա Պետրոսեան, Էջմին Աբրահամեան
Բ կարգ
Նոր Ջուղայի Հայ Մ.Մ. «Արարատ» Միութիւն
Վահէ Յարութիւնեան, Դուրան Տ. Յովհաննիսեան, Դերենիկ Շահնազարեան, Արաբօ Յովսէփեան, Վահէ Խաչատուր
Գ կարգ
Հայ Մ. «Արարատ» Կազմակերպութիւն (Հ.Մ.Ա.Կ. - Թեհրան)
Արեգ Աւանէս, Միշէլ Գէորգեան, Դերիկ Աւագեան, Թադէ Ղահրամանեան
(Տղայոց երէց -խմբային)
Ա կարգ
Հայ Մ. «Արարատ» Կազմակերպութեան (Հ.Մ.Ա.Կ. - Թեհրան)
Արթին Յարութիւնեան, Սերժիկ Իւսեֆի, Միշէլ Գէորգեան, Արա Ասատրեան
Բ կարգ
Հայ Մ. «Սարդարապատ» Միութիւն (Թեհրան)
Բենիա Ասլանի, Ֆրեդրիկ Վարդանեան, Մենուա Պետրոսեան, Էջմին Աբրահամեան
Գ կարգ
Նոր Ջուղայի Հայ Մ.Մ. «Արարատ» Միութիւն
Դուրան Տ. Յովհաննիսեան, Դերենիկ Շահնազարեան, Վահէ Յարութիւնեան, Արաբօ Յովսէփեան, Վահէ Խաչատուր
(Doublemix)
Ա կարգ
Աննա Քեշիշեան (Սիփան), Սերժիկ Իւսեֆի (Հ.Մ.Ա.Կ.)
Բ կարգ
Փաթրիշիա Դանղեան (Թաւրիզ), Բենիա Ասլանի (Սարդարապատ)
Գ կարգ
Անդրիա Խաչատուր (Ն.Ջ.), Արթին Յարութիւնեան (Հ.Մ.Ա.Կ.)
Գ կարգ
Էլւինա Անդորեան (Թաւրիզ), Ֆրեդրիկ Վարդանեան (Սարդարապատ)
(Տղայոց - անհատական)
Ա կարգ.- Սերժիկ իւսեֆի (Հ.Մ.Ա.Կ.)
Բ կարգ.- Արա Ասատրեան (Հ.Մ.Ա.Կ.)
Գ կարգ.- Միրօ Աբրահամեան (Թաւրիզ)
Գ կարգ.- Միշէլ Գէորգեան (Հ.Մ.Ա.Կ.)
(Աղջկանց - անհատական)
Ա կարգ.- Աննա Քեշիշեան (Հայ Մ. «Սիփան» Միութիւն)
Բ կարգ.- Քաթրին Մինասքան (Հայ Մ. «Սիփան» Միութիւն)
Գ կարգ.- Անգինէ Դաւթեան (Հ.Մ.Ա.Կ.-ի Թաւրիզի մասնաճիւղ)
Գ կարգ.- Ալին Քեշիշեան (Հայ Մ. «Սիփան» Միութիւն)
ԹԵԹԵՒ ԱՏԼԵՏ
100 մետր
Ա կարգ.- Վանա Շիրւանեան (Նոր Ջուղա-1)
Բ կարգ.- Անաբէլ Հաքեան (Հ.Մ.Ա.Կ.)
Գ կարգ.- Արփի Ակոն (Նոր Ջուղա-1)
200 մետր
Ա կարգ.- Վանա Շիրւանեան (Նոր Ջուղա-1)
Բ կարգ.- Սինթիա Քեշիշեան (Հ.Մ.Ա.Կ.)
Գ կարգ.- Անիա Անդրիասեան (Նոր Ջուղա-1)
400 մետր
Ա կարգ.- Սինթիա Քեշիշեան (Հ.Մ.Ա.Կ.)
Բ կարգ.- Անիա Անդրիասեան (Նոր Ջուղա-1)
Գ կարգ.- Գայիանէ Խուդավերդեան (Նոր Ջուղա-1)
800 մետր
Ա կարգ.- Արսինէ Յովսէփեան (Նոր Ջուղա-1)
Բ կարգ.- Գայիանէ Խուդավերդեան (Նոր Ջուղա-1)
Գ կարգ.- Թանգիկ Վարդանեան (Նոր Ջուղա-2)
1500 մետր
Ա կարգ.- Արսինէ Յովսէփեան (Նոր Ջուղա-1)
Բ կարգ.- Թանգիկ Վարդանեան (Նոր Ջուղա-2)
Գ կարգ.- Նազելի Ղարիբեան (Նոր Ջուղա-1)
4100 մետր
Ա կարգ
(Հ.Մ.Ա.Կ.)
Սինթիա Քեշիշեան, Անաբէլ Հաքեան, Սելին Յարութիւնեան, Թալին Յարութիւնեան
Բ կարգ
Նոր Ջուղա-1
Վանա Շիրւանեան, Անիա Անդրիասեան, Արփի Ակոն, Նազելի Ղարիբեան
Գ կարգ
Նոր Ջուղա-2
Մեղրի Կարապետեան, Նինելիա Յարութիւնեան, Թանգիկ Վարդանեան, Վանէ Ղազարեան
Ն.Ջ. Հայ Մ.Մ. «Արարատ» միութեան թղթակից
Երանուշ Թահմազեան
Լուսանկարները՝ Գեւիկ Խաչատրեանի
եւ Ադրինէ Խաչատրեանի
