Աղբիւր՝ www.yerkirmedia.am

Յուլիսին հայ-թուրքական սահմանը հատած և Երևանում կալանաւորւած 16-ամեայ Ումութ Ալի Օզմենի հայրը՝ Մուստաֆա Օզմենը, որդու՝ կալանքից ազատ արձակւելուց յետոյ ermenihaber.am-ին տւած հարցազրոյցում պատմել է, որ Հայաստանում որդուն շատ լաւ են վերաբերւել:

«Երբ առաջին անգամ եկա նրան տեսակցութեան, նա շատ գոհ էր: Իրեն շատ լաւ են վերաբերւել: Ես էլ զգացի այդ ջերմութիւնը, հոգատարութիւնը:  Որդիս չի ենթարկւել բռնութեան իր ազգային պատկանելիութեան և ինքնութեան համար: Ընդհակառակը՝ ելնելով իր ինքնութիւնից այստեղ աւելի ուշադիր վերաբերմունք են ցուցաբերել նրա նկատմամբ»,-ասել է նա: