Աղբիւր՝ www.yerkir.am

Վերջերս Արցախ այցելած եւ այդ պատճառով թուրքական պետութիւնների կողմից սուր քննադատութիւնների արժանացած թուրք մտաւորական Սայիթ Չեթինօղլուն, քաղաքական գործիչ Ուֆուք Ուրասը, լրագրողներ Ալի Բայրամօղլուն եւ Էրոլ Քաթըրջըօղլուն համատեղ յայտարարութիւն են տարածել` կտրականապէս հերքելով այն տեղեկութիւնները, թէ իբր Արցախ այցելելու համար իրենք ներողութիւն են խնդրել:

Նշենք, որ Արցախ այցելութեան համար Ադրբեջանը նրանց նկատմամբ քրէական գործ էր յարուցել:

Ըստ «Ակօս»-ի` թուրք գործիչների տարածած յայտարարութեան մէջ մասնաւորապէս նշւել է, որ Ադրբեջանի կողմից սկսւած հետաքննութեան շրջանակում իրենք պատասխանել են արդարադատութեան նախարարութեան հարցումներին: «Դրանով ամէն ինչ աւարտւել է: Մեր նկատմամբ քրէական գործ չեն յարուցել, եւ մեզ չեն հարցաքննել Արցախ այցելութեան համար»,- յայտնել են Թուրքիայի քաղաքացիները:

Մտաւորականները նաեւ նշել են, որ նամակ են յղել Ադրբեջանի ղեկավարութեանը, որում բացատրել են այցի պատճառները: «Մենք նամակում ներողութիւն չենք խնդրել երկրի ղեկավարութիւնից: Մենք ընդամէնը յայտնել ենք, որ յաճախ ենք այցելում հակամարտութիւնների գօտիներ` դէպքի վայրում իրավիճակին ծանօթանալու համար: Մենք չենք օգտագործել «Ափսոսանք», «Կներեք» կամ նմանատիպ այլ բառեր: Մեզ այդ մասին խնդրել է Թուրքիայի ԱԳ նախարար Մեւլութ Չաւուշօղլուն, բայց մենք հրաժարւել ենք»,- ասել են նրանք յայտարարութիւնում: