Աղբիւր՝ www.asbarez.com

Ջղագրգռութեան մէջ գտնւող Ադրբեջանի Պաշտպանութեան նախարարութիւնն այս անգամ սպառնացել է «երկրի երեսից ջնջել Երեւանը»:

Վկայակոչելով Ադրբեջանի Պաշտպանութեան նախարարութեան պաշտօնական կայքը՝ «Արմէնփրես»-ը գրում է, որ ադրբեջանական բանակի մարտունակութեան մասին մնայուն կերպով չհիմնաւորւած յայտարարութիւններով հանդէս եկող Պաշտպանութեան նախարարութիւնն սպառնացել է Հայաստանին՝ Մինկեչաուրի ջրամբարի վերաբերեալ ադրբեջանական կողմի տարածած ապատեղեկատւութեան լոյսի տակ։

Հայաստանի պաշտպանութեան նախարար Սէյրան Օհանյանի կողմից Մինկեչաուրի ջրամբարի մասին կատարւած յայտարարութիւնն իր ձեւով մեկնաբանելով՝ Ադրբեջանի Պաշտպանութեան նախարարութիւնն սպառնացել է «Հայաստանի հանրապետութեան դէմ ուղղւած հրթիռներն օգտագործել Երեւանը երկրի երեսից ջնջելու համար»:

Ադրբեջանական կողմի ապատեղեկատւութեան պատճառ է դարձել Հայաստանի Պաշտպանութեան նախարար Սէյրան Օհանեանի այն յայտարարութիւնը, որի մէջ վերջինս համոզմունք է յայտնել այն մասին, որ Ադրբեջանը զգուշանայ Մինկեչաուրի ջրամբարի ուղղութեամբ հայկական կողմի գործողութիւններից: Նախարար Օհանեանի խօսքերն իսկական խուճապեն  յառաջացրել ադրբեջանական լրատւամիջոցների մէջ, որոնք գրել են, թէ իրավիճակի յետագայ սրման պարագային հայկական կողմը պատրաստւում է պայթեցնել Մինկեչաուրի ջրամբարը: