Աղբիւր՝ www.asbarez.com
ԹԻՖԼԻՍ, «Արմէնփրէս».- Հայ առաքելական եկեղեցւոյ Վիրահայոց թեմը ուսումնասիրած է Հայաստանի ազգային արխիւը եւ առաջին անգամ ըլլալով Վրաստանի կառավարութեան ներկայացուցած է Վրաստանի մէջ գործած հայկական եկեղեցիներուն ստոյգ թիւը՝ մինչեւ Խորհրդային կարգերու հաստատում:
Վրաստանի կառավարութեան կրօնական հարցերով զբաղող պետական գործակալութեան ուղարկուած նամակին մէջ թեմը ներկայացուցած է համապարփակ տեղեկատուութիւն մը Վրաստանի մէջ գործած 442 եկեղեցիներու մասին:
Հայ առաքելական եկեղեցւոյ Վիրահայոց թեմի մամլոյ խօսնակ Սուսաննա Խաչատրեան ըսած է, որ մինչ այդ՝ թեմը Վրաստանի կառավարութեան ներկայացուցած էր միայն գործող եկեղեցիներու ցանկը:
«Այս ցուցակում ներառուած են Վրաստանի հայկական բոլոր եկեղեցիները՝ գործող, խոնարհուած, արդէն փլատակների վերածուած եւ վրացականացուած: Այս կերպ, թեմը Վրաստանի կառավարութիւնից պահանջում է վերադարձնել իրեն պատկանող սեփականութիւնը՝ հաշուի առնելով այն հանգամանքը, որ Վրաստանի ներկայիս պետութիւնը Խորհրդային Վրաստանի իրաւայաջորդն է: Եկեղեցիները քանդւում են, աւերւում: Ժամանակն իր ազդեցութիւնն է թողնում նրանց վրայ, եւ եթէ այդ կառոյցների պահպանութեան համար միջոցառումներ չձեռնարկուեն, ապա տարիներ անց այդ եկեղեցիները չեն լինի: Անհրաժեշտ է հոգալ դրանց մասին, եւ թեմը պահանջում է այդ եկեղեցիների վերադարձը՝ դրանց մասին հոգ տանելու ցանկութիւնից դրդուած», աւելցուցած է Խաչատրեան։
Վրաստանի կառավարութիւնը պատասխանած է, որ այս հարցով կը զբաղի Կրօնական հարցերով պետական գործակալութիւնը, եւ պիտի քննուին հարցի պատմական եւ իրաւական դրոյթները:
«Յոյս ունենք, որ հարցը կը գտնի արդարացի լուծում եւ թեմը կը կարողանայ տէր կանգնել այդ եկեղեցիներին», ըսած է Խաչատրեան, աւելցնելով, որ մէկ տարուան ձգձգումներէն ետք, Վրաստանի կառավարութիւնը մասնակիօրէն կատարած է նախորդ տարուան Յունուարին կառավարութեան ընդունած որոշումը, ըստ որուն՝ Վրաստանի մէջ գործող կրօնական բոլոր փոքրամասնութիւնները պէտք է փոխհատուցում ստանան խորհրդային տարիներուն իրենց կրած ճնշումներուն եւ արգելքներուն համար:
«Նախնական գումարը 4.5 միլիոն լարի էր, յետոյ՝ 3.5 միլիոն, վերջաւորութեան այդ գումարը դարձաւ 1.5 միլիոն: Գումարը բաշխուեց կրօնական մի քանի համայնքների միջեւ, եւ Վիրահայոց թեմին հասել է 300,000 վրացական լարի», ըսած է Խաչատրեան, նշելով, որ այդ գումարը կը ծախսուի թեմի կարիքները հոգալու համար: