Աղբիւր՝ www.yerkir.am

Պաշտպանութեան նախարար Սէյրան Օհանեանը սեպտեմբերի 28-ին աշխատանքային այցով եղել է 2-րդ բանակային զօրամիաւորման ենթակայ ստորաբաժանումներում, տեղեկացնում է ՀՀ ՊՆ մամուլի ծառայութիւնը:

Շրջայցի նպատակն էր տեղում դիտարկել զինուորական ծառայութեան կազմակերպման պայմանները, նոր կառուցուող ու նորոգուող շինութիւնների ընթացիկ աշխատանքները, ծանօթանալ սահմանագօտու տուեալ հատուածի օպերատիւ իրավիճակին, ինչպէս նաեւ ստուգել նախորդ այցերի ժամանակ տրուած յանձնարարականների կատարման ընթացքը։

Պաշտպանութեան նախարարի կողմից առանձնակի ուշադրութեան են արժանացել նոր կառուցուող շինութիւնները  անհրաժեշտ գոյքով համալրելու աշխատանքների ընթացքը:

Աշխատանքային այցի շրջանակում Սէյրան Օհանեանը եղել է մարտական յենակէտերում, դիտարկել մարտական հերթապահութեան իրականացման պայմաները: Բանակային զօրամիաւորման հրամանատարութեան եւ ՀՀ ՊՆ պատասխանատու ստորաբաժանումների ղեկավարների հետ քննարկուել են սահմանագօտու տուեալ հատուածի մարտական յենակէտերի ինժեներական բարելաւման եւ լրակահաւորման միջոցառումները:

Մարտական յենակէտերում նախարարը ճաշել է հերթապահութիւն իրականացնող զինծառայողների հետ՝ իր երախտագիտութիւնը յայտնելով անձնուիրաբար ու խիզախօրէն ծառայելու համար:

Սահմանագօտու տուեալ հատուած կատարած շրջայցի աւարտին էլ հրամանատարական կազմին առաջադրուել են որոշակի խնդիրներ, տրուել են ցուցումներ եւ յանձնարարականեր՝ իրականացուող աշխատանքներն առաւել արդիւնաւէտ իրականացնելու ուղղութեամբ՝ մասնաւորապէս ԼՂ ՊԲ հետ համադրուած եւ պլանաւորուած խնդիրների շրջանակում: