Երկուշաբթի՝ 2014 թւականի փետրւարի 24-ի երեկոյեան, Ն.Ջ. Հայ Մ.Մ. «Արարատ» միութեան Շահինշահրի մասնաճիւղի նորընտիր վարչութիւնն իր առաջին հանդիպումն ունեցաւ Շահինշահրի հոգեւոր տեսուչ հոգշ. Տ. Անանիա վրդ. Գուճանեանի հետ: Հոգշ. Հայր Սուրբը նախ շնորհաւորեց կազմի անդամներին՝ ընտրւելու կապակցութեամբ եւ յաջողութիւն մաղթեց նրանց՝ իրենց ազգանւէր աշխատանքներում, ապա իր օրհնութիւնը տւեց նրանց եւ յորդորեց լինել համբերատար եւ միասնական, ջանալ ստեղծելու առողջ մթնոլորտ, համագործակցել Նոր Ջուղայում եւ Շահինշահրում գործող այլ միութիւնների եւ կազմերի հետ՝ առաջնորդւելով հայ քրիստոնեային վայել նկարագրով:

Ընդունելութիւնն անցաւ ջերմ մթնոլորտում, որից դրական լիցքեր եւ եռանդ ստացան նորընտիր վարչութեան անդամները:

Հանդիպումից եւ խորհրդակցութիւն-քննարկումներից յետոյ հոգշ. Հայր Սուրբն իր աջակցութիւնը եւ համագործակցութիւնը յայտնեց Ն.Ջ. Հայ Մ.Մ. «Արարատ» միութեան Շահինշահրի մասնաճիւղի վարչութեանը:

Նշենք, որ մասնաճիւղի նորընտիր վարչութեան կազմն ըստ հետեւեալի է.

Պրն. Գեւիկ Խաչատրեան՝ նախագահ

Պրն. Կարօ Ղարախանեան՝ փոխ-նախագահ

Տկն. Այիդա Մուրադեան՝ քարտուղար

Տկն. Մառինա Մանասէրեան՝ հաշւապահ, գանձապահ

Պրն. Գառնիկ Միրզախանեան՝ գոյքապահ