2016 թւականի փետրւարի 13-ի առաւօտեան՝ Շահինշահրի Հայոց ազգային «Նարեկ» մանկապարտէզ-նախակրթարանում տօնւեց Տեառնընդառաջը:
Աւանդական հրավառութիւնը նշելու համար դպրոցի Ծնողական խորհուրդը պատրաստել էր հրավառութեան թուփը, որը վառւեց՝ մեծ հետաքրքրութիւն պատճառելով փոքրիկներին:
Այնուհետեւ սաները դաստիարակների հետ կրակի շուրջ պտտւելով ուրախ պահեր վայելեցին եւ նրանց օգնութեամբ ցատկեցին կրակի վրայից:
Ծրագրի աւարտին սաները ստացան գունագեղ փաթեթաւորումներով պատրաստւած քաղցրաւենիքները եւ ուրախ վերադարձան իրենց տները:
