Աղբիւր՝ www.asbarez.com

 

«Փիւնիկ» հիմնադրամը եւ «Ոսկէ ծիրան» շարժապատկերի զարգացման հիմնադրամը յայտարարել են Հայոց ցեղասպանութեան նիւթով 4-ից 6 րոպէ տեւողութեամբ խաղարկային եւ վաւերագրական ժապաւէնների բեմագրութեան մրցում՝ նւիրւած Մեծ եղեռնի հարիւրամեայ տարելիցին:

Մասնագէտներից կազմւած դատական կազմն ընդունւած դիմումներից ընտրելու է 10 հատ: Բեմագրութիւնները կարող են ունենալ գրական հիմք: Լաւագոյնը նկատւած երեք բեմագրութիւններ պարգեւատրւելու են 1000 դոլարի համարժէք հայաստանեան դրամով, իսկ միւսները՝ 500 դոլարի համարժէք դրամով: Ընտրւած 10 բեմագրութիւններով ժապաւէններ նկարահանւելու են։

Բեմագրութիւնները պէտք է ներկայացնել «Ոսկէ ծիրան»-ի զարգացման հիմնադրամին՝ Երեւան, Մոսկովեան 3 հասցէով կամ ուղարկել Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ ելեկտրոնային հասցէին՝ մինչեւ 30 յունիս 2014: