Աղբիւր՝ www.alikonline.ir

 

Հայոց Ցեղասպանութեան 99-րդ տարելիցի առիթով չորեքշաբթի, ապրիլի 23-ի առաւօտեան Իսլ. խորհրդարանում ելոյթով հանդէս եկաւ Սպահանի եւ հարաւային իրանահայութեան պատգամաւոր Ռոբերտ Բեգլարեանը:

Պատգամաւորը իր ելոյթի ընթացքում հակիրճ տողերով ներկայացրեց Հայոց Ցեղասպանութեան իրողութիւնը, նշելով, որ Ցեղասպանութեան նկատմամբ լռութիւնը հետագայում նմանատիպ նոր ոճիրների պատճառ դարձաւ:

Պրն. Բեգլարեանն իր ելոյթի մէկ այլ բաժնում անդրադարձաւ Քեսաբի հարցով Թուրքիայի միջամտութիւններին եւ ասաց. «Տարածաշրջանը լուրջ իրադարձութիւնների թոհուբոհի մէջ է. մենք իրազեկ ենք մեր անվտանգութեան հարցին, Աստծու կամօք՝ կանգնած ենք հզօր եւ համոզւած ենք, որ Իրանը իր հզօր քաղաքակրթութեամբ ու մշակոյթով կարող է գլխաւոր դեր խաղալ տարածաշրջանի խաղաղութեան հարցում: Մի իրականութիւն, որին քչերն են ուշադիր»: