Աղբիւր՝ www.yerkir.am

Սիրիայի նախագահ Բաշար Ասադը Հայաստանում հաստատւած սիրիահայերի եւ  հայ գործարարների հետ հանդիպման ժամանակ խոստացել է իր միջոցներով վերականգնել Դէր Զօրի Սրբոց Նահատակաց հայկական եկեղեցին:

«Սա սիմվոլիկ է, սրանով  Սիրիայի իշխանութիւնները ցոյց են տալիս՝ իրենք շահագրգռւած են, որ հայերը վերադառնան, եւ կանաչ լոյս են վառում նրանց վերադարձի համար»,- լրագրողներին ասաց ՀՀ ԳԱԱ արեւելագիտութեան ինստիտուտի տնօրէն Ռուբէն Սաֆրաստեանը՝ յաւելելով, որ Բէյրութում եւ Հայաստանում հաստատւած սիրիահայերի մի զգալի մասը կը վերադառնայ, եւ այդ գործընթացն արդէն սկսւել է: