Աղբիւր՝ www.yerkir.am

 

Վարչապետ Յովիկ Աբրահամեանն ընդունել է Հայաստանում Իրանի արտակարգ եւ լիազօր դեսպան Մոհամմադ Ռէյիսիին: Վարչապետը կարեւորել է հարեւան Իրանի հետ յարաբերութիւնների յետագայ զարգացումն ու ընդլայնումը, տարբեր ոլորտներում փոխգործակցութեան ամրապնդումը:

«Իմ նպատակն է հետեւողականօրէն իրականացնել Իրանի հետ ձեռք բերւած բոլոր պայմանաւորւածութիւնները եւ մշակել նոր ծրագրեր: Վստահ եմ, որ առաջիկայում այս ուղղութեամբ ունենալու ենք մեծ ձեռքբերումներ»,- ասել է Յովիկ Աբրահամեանը:

«Ուրախ ենք Ձեր նշանակման կապակցութեամբ եւ վստահ, որ Իրանի ու Հայաստանի միջեւ յարաբերութիւննրում նոր զարգացում կարձանագրւի»,- դիմելով վարչապետին՝ ասել է Մոհամմադ Ռէյիսին:

Դեսպանի խօսքով՝ Իրանի իշխանութիւնները շահագրգռւած են Հայաստանի հետ փոխգործակցութեան ընդլայնմամբ ու յետագայ խորացմամբ:

Կառավարութեան կայքի տեղեկացմամբ` Յովիկ Աբրահամեանը եւ Մոհամմադ Ռէյիսին քննարկել են հայ-իրանական յարաբերութիւններին առնչւող տարբեր հարցեր: