Աղբիւր՝ www.armenian.irib.ir

Փետրւարի 14-ին հանդիպում են ունեցել  ՀՀ տրանսպորտի ու կապի նախարար Գագիկ Բեգլարեանը  և  Հայաստանում  ԻԻՀ  արտակարգ և լիազոր դեսպան Մոհամմադ Ռեյիսիին: 

Հանդիպմանը կարևորւել են տրանսպորտի ոլորտում երկկողմ յարաբերութիւնների զարգացումը, նշւել է՝  համատեղ բազմաթիւ ծրագրերի իրագործումը: 

Անդրադառնալով «Հայաստանի հարաւային երկաթուղի» ծրագրի իրականացմանը՝ Գագիկ Բեգլարեանն ասել է, որ Տրանսպորտի և կապի նախարարութիւնն  աշխատանք է տանում  խոշոր ռազմավարական նշանակութիւն ունեցող այդ նախագիծը իրականացնելու համար և աւելացրել, որ  երկաթուղու տեխնիկատնտեսական հիմնաւորումն արդեն պատրաստ է  և գտնւում է քննարկման փուլում: 

Դեսպան  Ռեիսիին  նշել է, որ «Հայաստանի հարաւային երկաթուղի»   ծրագրի    իրագործումը կարևոր է  ինչպէս Իրանի, այնպէս էլ Հայաստանի համար:  Եւ այն կարող է նպաստել Սև ծովի նաւահանգիստներից դէպի Պարսից ծոցի նաւահանգիստներ կատարւող ապրանքաշրջանառութեան աճին, յաւելել է դեսպանը:

Իրանական կողմը  պատրաստակամ է՝ երկաթուղու շինարարարական աշխատանքների մեկնարկին  և  ձեռնամուխ կը լինի իր հատւածում երկաթգծի կառուցմանը: