Աղբիւր՝ www.armenian.irib.ir
Փետրւարի 10-ին Երևանում ԻԻՀ դեսպանատանը կայացել է Իսլամական յեղափոխութեան 35-ամեակի առթիւ կազմակերպւած ընդունելութիւն: Որին ներկայ են եղել ՀՀ ԱԺ նախագահ Հովիկ Աբրահամեանը, պաշտօնատար անձինք, որոնք ներկայացրել են ՀՀ կառավարութիւնն ու իշխող ՀՀԿ-ն, ընդդիմադիր ուժեր, օտարերկրեայ դիւանագէտներ: Արարողութեան սկզբում հնչել են ՀՀ և ԻԻՀ հիմներգերը:
ԻԻՀ դեսպան Մոհամադ Ռեյիսին ելոյթում նշելով, որ ԻԻՀ արտաքին քաղաքականութեան կարևոր սկզբունքներից մէկը՝ յարաբերութիւնների զարգացումն է աշխարհի բոլոր երկրների, մասնաւորապէս հարևանների հետ, ընդգծել է Հայաստանի հետ յարաբերութիւնների բարձր մակարդակը, իր երախտագիտութիւնը յայտնել ՀՀ ԱԺ նախագահ Հովիկ Աբրահամեանին և յաջողություններ մաղթել ՀՀ կառավարութեանն ու հայ ժողովրդին:
Հովիկ Աբրահամեանը շնորհաւորել է ԻԻՀ և իրանցի ժողովրդին՝ Իսլամական յեղափոխութեան 35-ամեակի առթիւ, ցանկացել խաղաղ ապագայ, բարեկեցութիւն և առաջընթաց: Հայաստանը բարձր է գնահատում Իրանի հետ բազմադարեայ յարաբերութիւնները, նշել է ԱԺ նախագահը և ավելացրել, որ Հայաստանի և Իրանի միջև առկայ է սերտ տնտեսական համագործակցութիւն՝ զարգանում են փոխյարաբերութիւնները էներգետիկ, տրանսպորտային, բնութեան պաշտպանութեան, մշակոյթի, գիտութեան, կրթութեան և այլ ոլորտներում: