Երկուշաբթի՝ 2019 թւականի նոյեմբերի 11-ի առաւօտեան, Սպահանի հայոց թեմի առաջնորդ գերշ. Տ. Սիփան եպս. Քէչէճեանն ընդառաջելով «Ընդհանուր պատում» խորագիրը կրող գեղանկարչութեան ցուցահանդէսի կազմակերպիչների հրաւէրին, ընկերակցութեամբ արժ. Տ. Խաչատուր քհնյ. Զարգարեանի եւ Թեմական խորհրդի անդամ Վահիկ Թորոսեանի այցելեց Սպահանի «Գոզար» գալերիայում իրականացւած վերոնշեալ ցուցահանդէս, ուր ցուցադրւած են Հայաստանից եւ Իրանից թւով 19 երիտասարդ գեղանկարիչ-գրաֆիստների աշխատանքները:

Ցուցահանդէսի կազմակերպիչներից Ալի Անսարին, ով Երեւանի Պետական համալսարանի շրջանաւարտ է, յայտնել է, որ միջոցառումն իրականացւել է հայ եւ պարսիկ ժողովուրդների մշակութային կապերի առաւել ամրացման եւ գրաֆիստների ներաշխարհը միմեանց հաղորդակից դարձնելու նպատակով:

Ծրագրի պաշտօնական բացումը կատարւել է ուրբաթ՝ նոյեմբերի 8-ին եւ այն իր աշխատանքը շարունակելու է մինչեւ նոյեմբերի 22-ը:

Հարկ է նշել, որ սոյն ցուցահանդէսը նոյն դասաւորութեամբ, ընթացիկ տարւայ սեպտեմբերին իրականացւել է Թեհրանի «Դենա» գալերիայում: 

Թղթակից (Նոր Ջուղա)   

 
  
srbazan_ayx_nkar_01.jpg srbazan_ayx_nkar_02.jpg srbazan_ayx_nkar_03.jpg

srbazan_ayx_nkar_04.jpg srbazan_ayx_nkar_05.jpg srbazan_ayx_nkar_06.jpg

srbazan_ayx_nkar_07.jpg srbazan_ayx_nkar_08.jpg srbazan_ayx_nkar_09.jpg

srbazan_ayx_nkar_10.jpg srbazan_ayx_nkar_11.jpg srbazan_ayx_nkar_12.jpg

srbazan_ayx_nkar_13.jpg srbazan_ayx_nkar_14.jpg srbazan_ayx_nkar_15.jpg

srbazan_ayx_nkar_16.jpg srbazan_ayx_nkar_17.jpg srbazan_ayx_nkar_18.jpg

srbazan_ayx_nkar_19.jpg srbazan_ayx_nkar_20.jpg