Նոր Ջուղայի Հայուհեաց Բարեգործական ընկերութիւնը հաւատարիմ մնալով սրանից 18 տարի առաջ հիմք դրած իր նպատակին, իր բարեսիրական գործունէութեան շրջագծում, համագործակցութեամբ Ն. Ջ. Հայ Մ. Մ. «Արարատ» միութեան հետ, ամենամեայ կարգով կազմակերպում է Ջաւախքին նւիրւած դաշտահանդէսը, իսկ արդիւնքում միջոցառման հասոյթը յատկացնում Հայ Դատի յանձնախմբի միջոցով ստեղծւած հիմնադրամին՝ ջաւախքահայութեանը սատարելու համար:

Այս տարի բարեգործական այս միջոցառումն իրականացւեց ուրբաթ՝ յունիսի 21-ի երեկոյեան, «Արարատ» միութեան շրջափակում: 

Ծրագրում նախատեսւել էին զանազան կրպակներ, որտեղ փոքրերից մինչեւ մեծահասակները առիթ ունեցան զբաղւել զւարճալի խաղերով, վաճառւում էին անուշահամ ուտելիքներ, ընթերցւեց Ջաւախքի մասին տեղեկութիւններ եւ ցուցադրւեց նոյն թեմայով տեսանիւթ, իսկ գովելի մտայղացմամբ կազմակերպւեց մրցոյթ, ուր մասնակիցները պատասխանեցին նախատեսւած հարցաշարին եւ արդիւնքում գնահատւեցին յաղթողները:  

Թղթակից (Նոր Ջուղա)