Նախաձեռնութեամբ Սպահանի հայոց թեմի ՀՀ հիմնադրման 100-ամեակի Կենտ. յանձնախմբի, հայոց նորագոյն պետականութեան հիմնադրման եւ հայրենիքի  վերանկախացման պանծալի տօնի 100-ամեայ յոբելեանը նշւեց ժողովրդական հանդիսաւոր տօնախմբութեամբ, երեքշաբթի՝ 2018 թւականի մայիսի 22-ի երեկոյեան, Նոր Ջուղայի Հայ Մ. Մ. «Արարատ» միութեան մարզասրահում:

Ծրագրի մեկնարկը տրւեց Իրանի Իսլ. Հանրապետութեան օրհներգով: Ն. Ջ. Հայ Մ. Մ. «Արարատ» միութեան Սկաուտական միաւորի անդամների միջոցով դահլիճ բերւեց Հայաստանի Հանրապետութեան եռագոյն դրօշը, որից յետոյ իրականացւեց Հանրապետական մաղթանք՝ Սպահանի հայոց թեմի առաջնորդ գերշ. Տ. Սիփան եպս. Քէչէճեանի նախագահութեամբ եւ Շահինշահրի հայ համայնքի հոգեւոր տեսուչ գերպ. Տ. Անանիա ծ. վրդ. Գուճանեանի ու եկեղեցական դասի մասնակցութեամբ. յաջորդիւ հնչեց ՀՀ օրհներգն ու ծածանւեց հայկական դրօշը: Արարողութեան երգեցողութիւնը կատարեց Ս. Ամենափրկիչ վանքի «Կոմիտաս» երգչախումբը՝ Արմէն Ամիրխանեանի ղեկավարութեամբ:

Այնուհետեւ ողջոյնի եւ առիթին նւիրւած խօսքերով հանդէս եկաւ երեկոյի հանդիսավար Անի Ղազարեանը, ապա թեմակալ առաջնորդ Սրբազան Հայրը, հոգեւոր տեսուչ Հայր Սուրբը, թեմի Պատգամաւորական Ժողովի եւ Թեմական ու Կրօնական խորհուրդների ատենապետեր՝ Թաթուլ Օհանեանը, Վարուժ Մինասեանն ու Վարուժ Մովսիսեանը եւ շրջանի Հայ Դատի յանձնախմբի ներկայացուցիչ Վահէ Թորոսեանն ընդունեցին աւանդոյթ դարձած հանդիսաւոր շքերթը՝ մասնակցութեամբ թեմի ազգային մարմինների, շրջանի Հայ Դատի յանձնախմբի, միութիւնների ու երգչախմբերի վարչութիւնների, երիտ-պատանեկան միութիւնների անդամների, հայոց ազգային դպրոցների աշակերտութեան ու անձնակազմերի, ՀՀ հիմնադրման 100-ամեակի տօնակատարութեան ենթայանձնախմբի եւ Ն. Ջ. Հայ Մ. Մ. «Արարատ» միութեան Սկաուտական միաւորի անդամների:

Երեկոյի դասախօսն էր Պատգամաւորական ժողովի եւ միեւնոյն ժամանակ ՀՀ հիմնադրման 100-ամեակի Կենտ. յանձնախմբի ատենապետ Թաթուլ Օհանեանը, ով իր ելոյթում անդրադառնալով անկախութեան գաղափարին՝ ընդգծեց, թէ հայ ժողովուրդն անկախութեան համար իր պայքարը մղել է հետեւեալ ուղղութիւններով՝ մշակութային, դիւանագիտական եւ զինեալ գործողութիւններ: Նա նշելով, որ հայ ժողովուրդն իր բազմադարեան պատմութեան ընթացքում միշտ եղել է ազատատենչ եւ անկախութեանը ձգտող ազգ, յիշատակեց ազատութեան ճանապարհին հայ ժողովրդի առաջին կռիւներից՝ Հայկ Նահապետի պայքարը բռնակալ Բելի դէմ:

Դասախօսը յանուն անկախութեան հայ ժողովրդի մղած մշակութային պայքարի  շարանում մատնանշեց յատկապէս տառերի գիւտն ու ազգային եկեղեցու՝ Հայաստանեայց Առաքելական Սուրբ եկեղեցու ստեղծումը, իսկ դիւանագիտական պայքարի շարքում՝ Ստեփանոս Ե. Սալմաստեցի, Միքայէլ Սեբաստացի ու Յակոբ 4-րդ Ջուղայեցի կաթողիկոսների եւ Իսրայէլ Օրիի ծաւալած դիւանագիտական գործողութիւնները:

Պրն. Օհանեանը թւարկելով մեր պատմութեան մէջ իրագործւած զինեալ պայքարներից՝ Հռոմէացիների դէմ կռիւները, Վարդանանց եւ Վահանանց պատերազմները, Սարդարապատի, Ղարաքիլիսայի, Բաշ-Ապարանի եւ Արցախի գոյամարտերն ու ֆիդայական շարժումները, ասաց. «Թէեւ կարճատեւ եղաւ առաջին Հանրապետութեան կեանքը, սակայն ֆիդայական կռիւների ու դրա շարունակութեան մէջ իրականացւած մայիսեան հերոսամարտերի շնորհիւ թուրքին չյաջողւեց հայաթափ անել Արեւելեան Հայաստանը.  Մայիս 28-ը փշրեց հայ ժողովրդի ստրկութեան շղթան եւ Սփիւռքի հայութեան հայեացքն ուղղեց դէպի մէկ հայրենիք. Մայիս 28-ի գաղափարի շնորհիւ կերտւեցին մեր յետագայ հանրապետութիւններն ու տեղի ունեցաւ Արցախեան ազատամարտը»:

Ներկաներին իր հայրական պատգամը փոխանցեց թեմակալ առաջնորդ Սրբազան Հայրը: Նա նշելով, որ 1918 թւականի մայիսեան դէպքերը անջնջելի են իւրաքանչիւր հայի մտքից, աւելացրեց, թէ Ցեղասպանութեան տառապանքը եւ թշնամի ուժերի յարձակումներն ու շրջափակումները մեր ժողովրդին եւ յատկապէս հայ  քաջարի մարտիկներին դարձրին ադամանդեայ անձնաւորութիւններ, ովքեր բախւելով Սարդարապատի պատին, ինչպէս նաեւ մայիսեան հերոսամարտին, վերածւեցին բեղմնափոշու եւ վերակենդանացրին հայ ժողովրդի գոյութեան ծառը: Ծառ, որն աճեց եւ դարձաւ պատւանդանն ու հիմնասիւնը Մայիս 28-ի եւ պետականութեան յարատեւման:

Գերշ. Տ. Սիփան եպս. Քէչէճեանն իր խօսքի եզրափակիչ բաժնում Մայիս 28-ը անւանեց հայ ժողովրդի հպարտութեան եւ պարծանքի յուշակոթողն ու խորհրդանիշը. մի խօսքով՝ հայ ազգի էութիւնը:   

Գեղարւեստական բաժնում խանդավառ երգերի կատարմամբ հանդիսատեսի տօնական տրամադրութիւնը բազմապատկեց «Արցախի ձայներ» երաժշտական համոյթը: Բոլոր կատարումներն արժանացան ներկաների բուռն ծափողջոյններին:

Տօնական միջոցառումն աւարտւեց հրավառութեամբ:

Յատկանշական է, որ վերոնշեալ յայտագրով տօնախմբութիւն կայացաւ նաեւ Շահինշահրում երկուշաբթի՝ մայիսի 21-երեկոյեան, Ն. Ջ. Հայ Մ. Մ. «Արարատ» միութեան Շահինշահրի մասնաճիւղի «Արամ Մանուկեան» սրահում: Իւրաքանչիւր համայնքի տօնական երեկոյի կազմակերպական գործն ի կատար էր ածւել պատկան ենթայանձնախմբի միջոցով: Շահինշահրի միջոցառումը վարեց Մարիա Խուդավերդեանը:


Թղթակից (Նոր Ջուղա)
Լուսանկարիչ՝ Գեւիկ եւ Անդրէ Խաչատրեաններ

hayastan_100_amyak_02.jpg hayastan_100_amyak_03.jpg hayastan_100_amyak_04.jpg

hayastan_100_amyak_05.jpg hayastan_100_amyak_06.jpg hayastan_100_amyak_07.jpg

hayastan_100_amyak_08.jpg hayastan_100_amyak_09.jpg hayastan_100_amyak_10.jpg

hayastan_100_amyak_11.jpg hayastan_100_amyak_12.jpg hayastan_100_amyak_13.jpg

hayastan_100_amyak_14.jpg hayastan_100_amyak_15.jpg hayastan_100_amyak_16.jpg

hayastan_100_amyak_17.jpg hayastan_100_amyak_18.jpg hayastan_100_amyak_19.jpg

hayastan_100_amyak_20.jpg hayastan_100_amyak_21.jpg hayastan_100_amyak_22.jpg

hayastan_100_amyak_23.jpg hayastan_100_amyak_24.jpg hayastan_100_amyak_25.jpg

hayastan_100_amyak_26.jpg hayastan_100_amyak_27.jpg hayastan_100_amyak_28.jpg

hayastan_100_amyak_29.jpg hayastan_100_amyak_30.jpg hayastan_100_amyak_31.jpg

hayastan_100_amyak_32.jpg hayastan_100_amyak_33.jpg hayastan_100_amyak_34.jpg

hayastan_100_amyak_35.jpg hayastan_100_amyak_36.jpg hayastan_100_amyak_37.jpg

hayastan_100_amyak_38.jpg hayastan_100_amyak_39.jpg hayastan_100_amyak_40.jpg

hayastan_100_amyak_41.jpg hayastan_100_amyak_42.jpg hayastan_100_amyak_43.jpg

hayastan_100_amyak_44.jpg hayastan_100_amyak_45.jpg hayastan_100_amyak_46.jpg

hayastan_100_amyak_47.jpg hayastan_100_amyak_48.jpg hayastan_100_amyak_49.jpg

hayastan_100_amyak_50.jpg hayastan_100_amyak_51.jpg hayastan_100_amyak_52.jpg

hayastan_100_amyak_53.jpg hayastan_100_amyak_54.jpg hayastan_100_amyak_55.jpg

hayastan_100_amyak_56.jpg hayastan_100_amyak_57.jpg hayastan_100_amyak_58.jpg

hayastan_100_amyak_59.jpg hayastan_100_amyak_60.jpg hayastan_100_amyak_61.jpg

hayastan_100_amyak_62.jpg hayastan_100_amyak_63.jpg hayastan_100_amyak_66.jpg

hayastan_100_amyak_70.jpg hayastan_100_amyak_70_1.JPG hayastan_100_amyak_72.jpg

hayastan_100_amyak_73.jpg hayastan_100_amyak_74.jpg hayastan_100_amyak_75.jpg

hayastan_100_amyak_76.jpg hayastan_100_amyak_77.jpg hayastan_100_amyak_78.jpg

hayastan_100_amyak_79.jpg hayastan_100_amyak_80.jpg hayastan_100_amyak_81.jpg

hayastan_100_amyak_82.jpg