ՀՀ 100-ԱՄԵԱԿԻՆ ՆՒԻՐՒԱԾ ՄԻՕՐԵԱՅ ՃԱՄԲԱՐ՝ ՆՈՐ ՋՈՒՂԱՅԻ ՀԱՅՈՑ ԱԶԳ. «ԱՐՄԷՆ» ՏԱՐՐԱԿԱՆ ԿՐԹԱՀԱՄԱԼԻՐԻ ԱՇԱԿԵՐՏՈՒԹԵԱՆ ՄԱՍՆԱԿՑՈՒԹԵԱՄԲ

Նոր Ջուղայի հայոց ազգ. «Արմէն» երկսեռ տարրական կրթահամալիրի տնօրինութեան, ուսուցչական կազմի եւ ծնողական խորհրդի գովելի մտայղացմամբ եւ Սպահանի հայոց թեմի ՀՀ 100-ամեակի Կենտ. յանձնախմբի հովանաւորութեամբ, ՀՀ 100-ամեակին նւիրւած կրթահամալիրի ծրագրերի շարանում, երեքշաբթի՝ 2018 թւականի մայիսի 1-ի առաւօտեան, Ն. Ջ. Հայ Մ. Մ. «Արարատ» միութեան շրջափակում տեղի ունեցաւ աշակերտական միօրեայ ճամբար, ուր զւարճալի խաղերին ու ֆիզիքական մրցոյթներին զուգահեռ ծրագրում տեղ գտան ձեռքի աշխատանքի եւ պատի թերթի պատրաստման աշխատանոցներ:

Քանի որ միջոցառման իրականացման հիմնական նպատակը աշակերտներին Հայաստանի Հանրապետութեան հիմնադրման պատմութեանն ու հայկական խորհրդանիշներին առաւել չափով ծանօթացնելն էր, նախատեսւած աշխատանոցներում, հայ ուսուցչուհիների գլխաւորութեամբ, սաները դասարան առ դասարան առանձնաբար պատրաստեցին հայկական սիմւոլներով գեղեցիկ աշխատանքներ, միաժամանակ ունկնդրելով ուսուցիչների կողմից տրւող բացատրութիւնները՝ ՀՀ հիմնադրման պատմութեան եւ հայկական խորհրդանիշների մասին:   

Ընթացքում ճամբարականներին այցելեցին Սպահանի հայոց թեմի ՀՀ 100-ամեակի Կենտ. յանձնախմբի, Կրթական խորհրդի եւ ՀՀ 100-ամեակի տօնակատարութեան Նոր Ջուղայի ենթայանձնախմբի ներկայացուցիչները, ովքեր մօտկից ծանօթանալով ծրագրին, ինչպէս նաեւ սաների խանդավառ տրամադրութեան ականատեսը լինելով,  իրենց դրւատանքի խօսքն ուղղեցին դպրոցի պատասխանատուներին՝ նման աշխոյժ եւ  ուսուցողական միջոցառում կազմակերպելու համար:

Միօրեայ ճամբարի աւարտին դպրոցականները բարձր տրամադրութեամբ եւ գեղեցիկ յուշերով վերադարձան տուն:

Յատկանշական է, որ այս առիթով կրթահամալիրի չորրորդ դասարանցիների համար կազմակերպւել էր նաեւ գրքի ընթերցանութեան մրցոյթ, որտեղ աշակերտներն ընթերցելով  «Ինչպէս ուխտեցի ֆիդայի դառնալ» գիրքը, նոյն օրը, նախքան ճամբարի մեկնելը պատասխանեցին նախատեսւած հարցերին: Մրցոյթի արդիւնքը կը յայտարարւի հետագայում:

Թղթակից (Նոր Ջուղա) 

Լուսանկարները՝ տրամադրեց «Արմէն» կրթահմալիրի գրասենեակը

 


Մեկնաբանութիւն գրել


Security code
Թարմացնել

Վերջին Լուրեր

ԹՈՒՐՔ ՀՆԱԳԵՏՆԵՐԸ ՊԵՂՈՒՄՆԵՐԻ ԺԱՄԱՆԱԿ ԵԿԵՂԵՑԻ ՈՒ ՋՐԱՄԲԱՐ ԵՆ ՅԱՅՏՆԱԲԵՐԵԼ

on 11 Նոյեմբեր 2018
ԹՈՒՐՔ ՀՆԱԳԵՏՆԵՐԸ ՊԵՂՈՒՄՆԵՐԻ ԺԱՄԱՆԱԿ ԵԿԵՂԵՑԻ ՈՒ ՋՐԱՄԲԱՐ ԵՆ ՅԱՅՏՆԱԲԵՐԵԼ

Ներկայիս Թուրքիայի տարածքում գտնւող հայկական Բաբերդում

ՀԱՄԱՀԱՅԿԱԿԱՆ ԽԱՂԵՐԻ ԲԱՑՈՒՄԸ ԿԸ ԿԱՅԱՆԱՅ ԱՐՑԱԽՈՒՄ` ՊԱՏՄՈՒԹԵԱՆ ՄԷՋ ԱՌԱՋԻՆ ԱՆԳԱՄ

ՀԱՄԱՀԱՅԿԱԿԱՆ ԽԱՂԵՐԻ ԲԱՑՈՒՄԸ ԿԸ ԿԱՅԱՆԱՅ ԱՐՑԱԽՈՒՄ` ՊԱՏՄՈՒԹԵԱՆ ՄԷՋ ԱՌԱՋԻՆ ԱՆԳԱՄ

Պատմութեան մէջ առաջին անգամ Համահայկական ամառային խաղերի բացման արարողութիւնը

ՓԱՅԼԱՆԸ ԿՈՉ Է ԱՐԵԼ ԱԶԱՏ ԱՐՁԱԿԵԼ ՑԵՂԱՍՊԱՆՈՒԹԻՒՆԸ ՃԱՆԱՉԱԾ ԹՈՒՐՔ ԳՈՐԾԱՐԱՐԻՆ

on 03 Նոյեմբեր 2018
ՓԱՅԼԱՆԸ ԿՈՉ Է ԱՐԵԼ ԱԶԱՏ ԱՐՁԱԿԵԼ ՑԵՂԱՍՊԱՆՈՒԹԻՒՆԸ ՃԱՆԱՉԱԾ ԹՈՒՐՔ ԳՈՐԾԱՐԱՐԻՆ

Թուրքիայի քրդամէտ Ժողովուրդների դեմոկրատական կուսակցութեան հայ պատգամաւոր Կարօ Փայլանը

106 ՏԱՐԵԿԱՆՈՒՄ ՄԱՀԱՑԵԼ Է ՀԱՅՈՑ ՑԵՂԱՍՊԱՆՈՒԹԻՒՆԸ ՎԵՐԱՊՐԱԾ ՍԻՐՎԱՐԴ ՔՈՒՐԴԵԱՆԸ

on 31 Հոկտեմբեր 2018
106 ՏԱՐԵԿԱՆՈՒՄ ՄԱՀԱՑԵԼ Է ՀԱՅՈՑ ՑԵՂԱՍՊԱՆՈՒԹԻՒՆԸ ՎԵՐԱՊՐԱԾ ՍԻՐՎԱՐԴ ՔՈՒՐԴԵԱՆԸ

106 տարեկանում կեանքից հեռացել է Հայոց ցեղասպանութիւնը վերապրած Սիրվարդ Քուրդեանը

Լուրերի Արխիւ

Նորութիւններ

 
Persian   Armenian

Ֆոտօռեպորտաժ

Տեսաֆիլմ